林芊妤公開「生活方式醫學」飲食秘笈 ：減少進食加工糖
撰文：吳子生
出版：更新：
瑜伽導師林芊妤（Coffee)今日（5/8）以頒獎嘉賓身份現身尖沙咀出席《健康Easy卓越大獎2022》頒獎典禮。提到養生之道，Coffee直言會透過「生活方式醫學」打造健康身心靈：「如果想要健康，首要從內在開始。人要經常保持開朗嘅心境，唔好成日咁負面，要有正能量。咁樣做個人係會愈來愈靚，瞓又瞓得好啲，食又食得好啲，又會有心機做運動，咁所以保持身心愉快係好重要。」
Coffee指出糖份是疾病的元兇，故每日不可攝取過多糖份。（陳順禎攝）
另外，Coffee又指糖份是我們日常飲食的最大敵人，每日不可攝取過多的糖份，否則容易造成健康問題：「其實我又唔係要大家戒口唔食糖，因為係好難嘅，例如澱粉質都係糖，反而我係想大家食少啲加工嘅糖。因為食得多甜嘢例如蛋糕雪糕咁，容易對身體造成負擔，除咗會變肥之外，原來都容易引起炎症，咁所以糖都係疾病嘅元兇，容易引發癌症。咁所以喺我心目中糖係我嘅敵人嚟，咁你話係咪唔可以見面，又唔係，只要和平相處就夠。」
點擊睇今日《健康Easy卓越大獎2022》頒獎典禮盛況: