爆谷一周︱古巨基自爆深受周星馳影響 憶與偶像拍戲同枱食飯趣事

撰文:李婉文
出版:更新:

由谷德昭主持的ViuTV節目《爆谷一周》最新一集請來古巨基擔任嘉賓,節目中,古巨基談起出道不久之後跟谷德昭合作過的電影作品,包括有谷德昭執導、古巨基做男主角的1997年電影《求戀期》。另外,原來早於1994年,谷德昭已親自找古巨基參演《破壞之王》,當時谷德昭是電影的編劇,電影亦是「星爺」周星馳的經典作品之一。古巨基更回憶起與星爺拍攝時「幾得意嘅點滴」。

谷德昭與古巨基齊齊「話當年」。(IG@koktakchiu)

當時古巨基還算是新人,他拍攝時非常害羞,「唔知點樣加入大家」,他指谷德昭非常照顧他,特登找他聊天。古巨基講起自己以前的偶像就是周星馳,可以跟當方拍戲,當然感到好開心,他說︰「因為嗰時我係好開心加入到你哋嘅戲裏面,有份做。一來,我頭先講緊,你俾到個安全感我。二來,本身我以前好鍾意周星馳,我竟然可以喺一個我鍾意嘅演員嘅戲裏面有份做,仲有對手戲,仲有得搞搞怪怪,因為我鍾意睇佢做嗰啲喜劇。如果要問我《娛樂新聞眼》嘅時候,點解有所謂嘅『古怪基』呢,其實我多多少少因為周星馳影響嘅,啲表情放到好大啊,鬼靈精怪,或者有時裏面啲稿冇嘅嘢,我就同啲writer一齊傾,不如加呢樣,不如變嗰樣,多多少少我都係因為星爺影響到我有嗰種表現。」

古巨基示範星爺如何偷望他的飯,非常搞笑。(影片截圖)
谷德昭表示當年古巨基要將星爺的頭推進蛋糕裏,排戲要逐個試。(影片截圖)
+5

古巨基講起星爺一件搞笑又沒有架子的趣事,他強調以往訪問從未提過這件事。事緣是拍攝的某一天放食飯,在餐廳內,他們將四方枱排成長枱,大家一齊食飯,而不是各有各內食。他說︰「首先,我覺得我可以同你哋一齊食飯啊!然後星爺咁啱係揀咗坐喺我對面個位,但係都係外賣仔個打扮,我喺度食碟頭飯,唔係叫餸,食食吓,佢低頭食,但一路偷望我嗰碟喎!(谷德昭︰呢件事係經常發生!)唔知你見唔見到!我記得好深刻,佢喺度望,『你嗰碟好似幾正喎,畀啲嚟得唔得啊?』佢會問我畀啲嚟喎!你幻想吓一個我咁鍾意嘅明星、演員,然後喺度𥄫我碟飯,然之後問畀啲嚟得唔得,我梗係話『好啊好啊!』」谷德昭表示他們當年喜歡一班人圍在一起食飯,非常溫馨。而相信這件事必定令古巨基非常深刻,因此在28年後的今天,他仍牢牢記住。

古巨基的偶像是「星爺」周星馳。(視覺中國)