香港小姐2022｜徐麟口音成話題 唔睇網民留言：而家Siri都聽得明
撰文：林迅景
出版：更新：
《2022香港小姐競選》19位入圍佳麗被安排他訓，今日（11/8）她們以泳裝示人會面傳媒，每位體態都令人眼前一亮。1號徐麟（Astrid）自第一輪面試就因為「爆炸頭」髮型成為傳媒焦點。
1號徐麟（Astrid）好樂觀。（葉志明攝）
來自安徽的1號徐麟（Astrid）自參選起，口音成為了大家討論話題，不過她本人卻十分看我開。她接受《香港01》訪問時說：「我而家好勤力練習，我覺得有進步。而家講廣東話Siri都聽得明，所以我都好有自信。」她也說，自己很少睇網上關於她的討論，想專注在比賽上。
1號徐麟（Astrid）身材好好。（葉志明攝）
她表示，最近以讀報紙和睇TVB劇去學習廣東話，說：「呢排好興一部劇叫《回歸》，我覺得好有意思。」不過她就表示沒有特別喜歡的演員，她又說：「Sisley，我有見過佢真人。佢好靚好有禮貌，男演員都冇特別鍾意，都係睇劇學廣東話。」談到參選其中一個原因，她表示想籍由參選，從而開創自己慈善事業，幫到更多人。
1號徐麟（Astrid）表示自積極練習緊廣東話。（葉志明攝）
想不想入娛樂圈？她回答：「參選之後先開始嘗試，都唔一定。其實我之前都係好普通嘅學生，冇諗咁多，唔知有冇天份，睇吓先囉。」