蔡楓華10月開騷門票最平$250 同款造型用足5年
撰文：鄺鈺瑩
出版：更新：
蔡楓華將在10月開騷，他曾在2012年分別在紅館、新光戲院及荃灣大會堂開騷，全部都係自資，十分威水。
每一年都會自資舉行演唱會嘅蔡楓華，近年因疫情關係而未能開騷，不過日前佢在社交平台宣布將於10月在荃灣大會堂舉行一連兩場演唱會，門票分6種，最貴是$780的VIP門票，而最平的只需$250。他發文表示：「過去這幾年我們經歷了不少的艱苦和辛酸, 在這疫情之下, 我們更要發揮正能量, 所以我決定於2022年10月21至22日(星期五及六)在荃灣大會堂演奏廳舉行兩場蔡楓華情深永記演唱會。」
蔡楓華同款造型由2017年沿用至今。
蔡楓華開騷固然有吸引力，但最正嘅都一定係佢張演唱會海報，事關當中嘅造型照(黑色西裝、帽及黑超)，同2017及2018年都係同一款，只不過背景同字款稍微改動，真係十分「環保」。