全城一叮｜馮盈盈生眼瘡拜神唔見人 林盛斌主持大局：佢會返嚟
撰文：吳子生
出版：更新：
由林盛斌（Bob）和馮盈盈主持的無綫全新綜藝節目《全城一叮》今日（16/8）於電視城進行拜神儀式。馮盈盈因為生眼瘡而未能現身會場，要由阿Bob獨領主持大局。
林盛斌今日出席《全城一叮》拜神儀式。（陳順禎攝）
阿BoB透露《全城一叮》全新玩法：「今次同以前嘅《殘酷一叮》玩法好唔同，今次嘅參加者全部都係藝人，上次個啲係素人。而呢個新節目係可以俾到藝人上台表演，讓觀眾再次認識佢哋。參加者有冇得留低，係由現場觀眾決定。參賽者在兩分半鐘內，如果超過7成嘅現場觀眾覺得冇得留低，就要走。如果兩分半內都冇7成叫你走，就可以延續落去下一輪比賽。而今次呢個節目嘅口號係『全城一叮，發掘新星』，希望佢哋能透過呢個節目發光發亮。」
當然有一班靚女主持。（陳順禎攝）
另外提到馮盈盈因生眼瘡未能出席活動，阿Bob表示：「佢只係暫時嚟唔到，一陣節目錄影嘅時候，佢係會返嚟嘅。其實我之前見佢係隻眼有啲唔舒服，但佢問題不大，大家唔使擔心。」