口水多過浪花 | 炎明熹Gigi目標18歲開紅館騷:用一年增值自己

撰文:邱愛霖
出版:更新:

歌手炎明熹(Gigi)從內地拍完音樂節目《聲生不息》回港後即推出新歌《焰》,密鑼緊鼓出席宣傳活動;又要兼顧讀書,行程緊密。Gigi今日(18日)出席商台節目《口水多過浪花》,談及近日被指短短4個月內勁賺近200萬,目標是18歲首次置業,宏遠是買10層樓,Gigi向Do姐(鄭裕玲)承認確有此事,買10層樓的目標是受家人啟發,她說:「屋企人覺得要有層樓揸喺度,呢個都轉化成我嘅目標。將人哋嘅目標,當成自己目標,就可以一齊追尋呢個目標。」

炎明熹(Gigi)在學校奪獎,清純校服Look似返個17歲妹妹仔。(聖安當女書院官網)

當Do姐問到為何是10層樓,Gigi表示:「可能佢哋覺得10呢個數字整齊啲。」Do姐聽後頗為驚訝道:「你有冇同佢哋講話:『阿媽,喺香港買一層都難,首期都好艱難呀!』」Gigi又透露想進軍海外樓市:「可能唔同地方都買啲。」

炎明熹與媽媽 (ig@yiminghay)

除了買樓和做好音樂,Gigi希望18歲可以開紅館騷,現年17歲的她想用一年時間自我增值和儲歌。內地回港後的Gigi成熟不少,她坦言細個回港時會不捨得在內地定居的父母,但長大後彼此理解各自有個人生活。此外,Gigi指如今發言前會先考慮別人感受,「會諗呢件事講出嚟會唔會傷害到人呢?」另外,Gigi又認為最近變高了又瘦了,「高咗0.5cm,我以前覺得自己係點樣高咗㗎呢,就係屋企出面有條天橋,我要經過嗰條天橋行去商場,之後我經過商場嗰條柱就覺得點解我好似高咗㗎呢?」

Gigi承認買10層樓是受家人啟發。(IG@do_do_cheng)

Gigi希望未來繼續進修時裝設計或音樂,同好姊妹Chantel(姚焯菲)一樣,同時兼顧讀書和演藝事業,珍惜兩者樂趣。

Gigi上《口水多過浪花》接受Do姐訪問。(IG@do_do_cheng)

點擊下列圖輯睇Gigi學校片段:

+33