沈殷怡收視好考慮再派福利　笑稱粉絲最鍾意佢麻甩

「ViuTV女神」沈殷怡（Shirley）經常IG上載泳衣靚相大派福利，早前在IG發出「呃Like」挑戰，表明泳衣相貼文超過三萬就有驚喜，結果她分享「床照」找數，Post出一張有雙下巴、「低炒」的崩壞睡相。昨天(18日)她出席港台新劇《競爭之合謀有罪》宣傳活動接受《香港01》訪問時，被問到收視好會否再派福利？她就沉思一陣表示：「你知我嘅福利有好多種，層出不窮，比啲時間我再諗諗仲可以點樣超越之前既福利。」至於之前分享的床照就獲粉絲狂like，Shirley都笑言：「我發現我啲fans都幾重口味，問我可唔可以post更多睡覺既相。」問到粉絲最愛她哪一面？她就笑稱：「麻甩囉，有時我開直播會飲住啤酒，因為我私下開直播係放鬆relax既狀態，粉絲鍾意真實既我。」