監警會委員余黎青萍不滿港姐泳裝環節少布 黎諾懿:唔通着樽領?

撰文:吳子生
出版:更新:

監警會委員余黎青萍昨日(20/9 )在童樂居虐兒案會議中,指色情暴力電影電視泛濫,是造成本港虐兒問題的元兇之一,要求有關部門跟進。她更直斥無綫電視(TVB)的香港小姐泳衣問答環節「少布到不得了」:「答問題使唔使要喺冷氣房裏面,對住曾志偉嗰啲咁樣,瞪大眼望到實,點解要着三點式答問題呢?我真係唔明。」

監警會委員余黎青萍歸究色情暴力電影電視泛濫,造成本港虐兒問題。(監警會直播截圖)

監警會委員余黎青萍斥香港小姐泳裝環節:個個少布到不得了!

+61

監警會委員斥港姐泳裝「少布到不得了」 TVB發聲明:存在針對性

娶了一位落選港姐靚老婆李潔瑩的黎諾懿,今日現身黃埔作客新城電台節目,他接受《香港01》訪問時便有回應事件:「其實我真係唔明,着得少布就係色情,唔通要着樽領衫?咁講着樽領都可以好性感。不過,我成日都咁講,其實係唔關布嘅事,反而係最重要係個意識上有冇美感啫。就好似韓國女團BLACKPINK咁,佢哋係造型上都會有少布,但所有嘢出到嚟到好健康,講真而家咩年代呀!相反如果佢係賣弄色情成份,咁梗係唔好鼓吹,但如果佢係好美麗嗰種,令人有遐想,咁我覺得係好正常,因為佢係香港小姐,咁所以唔關多布同少布嗰件事,有啲人着樽領衫都可以好性感,反而我覺得最緊要係嗰個意識啫。」

點擊下圖觀看相關圖片:

+4