馬蹄露玩乒乓波笑料十足 想返TVB拍劇:我仲喺度

撰文:蘇國豪
出版:更新:

藝人馬蹄露久違現身TVB為節目《嘩鬼無敵獎門人》錄影,化身瑪麗蓮夢露的她維妙維肖,在錄影時玩「吹乒乓波」遊戲,其表情多多成功吸到乒乓波,令現場笑聲不斷,哄得觀眾非常之開心。

馬蹄露表情多多玩吹乒乓波。(梁碧玲攝)

多年未獲邀上《獎門人》的她,難得再受邀上節目令到她非常之開心,還揚言最害怕的遊戲是「食辣辣壽司」,看來該遊戲曾對她有恐懼。而提到現時的她專注內地直播平台同玩抖音,她就表示要作多嘗試,但仍然好鍾愛拍戲,她受訪時表示:「有啲時候係要試吓新嘗試,依家都會喺直播平台到同大家唱歌仔,唔覺意又帶吓貨。其實我鍾意返嚟TVB拍劇,希望監製記得我,我仲喺度。(有冇同獎門人提吓?)有呀!有提過,咁所以依家有獎門人玩囉。」

馬蹄露同將獎門人老友鬼鬼 。(梁碧玲攝)

講到直播帶貨辛不辛苦時,她就揚言:「其實我係一個最懶嘅直播帶貨,我啲同事比較勤力,我直播嘅時候會唱吓歌仔,以前登台唱歌,我真係好少喺香港唱歌,依家有個視頻係30年前,好多內地朋友話『你後生嘅時候都幾索啵』,仲話我似姚焯菲,因為我30年前嗰個MV的確係有少少似。」激讚姚焯菲好甜美,深受大家的喜愛。

馬蹄露年輕的模樣被指似姚焯菲。(影片截圖)

另外,提到現時許多香港藝人將事業專移內地並在在內地買樓,被問到有沒有這個計劃,她就表示:「其實要有咁上下儲備先可以買樓,當然如果可以我硬係會買。」

大家玩得好開心。(梁碧玲攝)
+1