張致恒內地登台唱《死性不改》狂走音　認狀態不佳：真係好X難聽

曾被爆一腳踏五船的張致恒（Steven）與圈外女友雯雯閃婚後修心養性，育有三個囝囝的他努力建立好爸爸同好老公的形象，但仍負面新聞不絕，更被公開追債，隨後Steven承認因為失業才無力還錢，向債主公開道歉，並承諾有拖無欠。而Steven自去年開始積極在內地工作，賺錢養家兼還債。日前Steven出席一個樓盤開幕活動，有網民上載了一段他當日演出的短片，並寫道：「這破音，這唱功，還記得03年出道的Boy'z嗎？」片中所見以一身酒紅色西裝上陣的Steven在台上獻唱經典作《死性不改》，但期間多次走音，掀起網民熱議！

有網民狠批「這破音嚇親我了」，直指他唱得難聽，更指「終於找到一個比陶大宇唱得差的了」，對於種種負評，Steven親自解釋道：「其實當日我係喉嚨痛嘅，再加上我明白自己係一個沒有實力嘅歌手，多謝你哋嘅留言，令我更有努力上去進步嘅決心，不過都真係要講句……真係好X難聽，影響到你哋嘅耳仔唔好意思。」不過亦有網民力撐：「起碼不是假唱」、「至少是真唱」、「繼續加油」！