港姐2022|徐麟認決賽表現不似預期:我唔會放棄學廣東話
撰文:洪曉璇
出版:更新:
《2022香港小姐競選》已圓滿落幕,三甲已塵埃落定,當中因爆炸頭兼貌似陳茵媺備受注目的1號徐麟打入最後五強,她承認決賽表現差,但虛心接納意見,表示「唔會放棄學廣東話」,回應獲網友大讚﹗
今屆有不少內地佳麗以半鹹淡廣東話作答,成了網友熱烈討論的話題,賽前大熱之一的徐麟,泳衣問答環節中,以半鹹淡廣東話接受提問,結果連問題都聽唔明,不停叫丁子朗重覆問題,最終五強止步。她分享參選感受:「參加港姐比賽應該係我做過最瘋狂嘅事啦,喺完全陌生嘅領域自我挑戰咗好多次,同時喺呢個過程中對港姐文化同香港呢個城市亦有咗更加深入嘅了解。」
完成比賽後徐麟指會回歸學術界,亦感謝各界一直支持:「紅館表現確實唔係好符合預期,廣東話冇令到自己好滿意;但人生就係咁樣啦,缺憾都係一種美,可以入到五強已經非常驚喜了﹗另外決賽嗰晚全場嗌一號嘅時候真係超級感動, 所以我唔會放棄學廣東話嘅﹗」回應大方得體獲網友讚揚。
+11