李綺虹素顏做訪問笑自己唔係好多錢　住偏遠地方最怕有壓力

李綺虹早前分享素顏照引起不少迴響，日前她接受李婉華YouTube頻道訪問時，繼續以素顏上陣，並指自己懶得化妝，甚至試過著睡衣出街，連老公都睇唔過眼。「我有懷疑是否要積極保養，but it just my style。」

談及當時在香港生活，李綺虹表示曾經享受過，但另一方面亦感到不少壓力，特別是在小朋友教育方面。「我生活最重要係我個仔，我一同啲香港人傾計，佢哋就會『我個仔讀呢間學校』，我就會諗係咪迫佢唔夠、係咪應該迫佢去國際學校……我個人就好緊張。」李綺虹笑言自己唔係太多錢、打扮又唔靚，成日都會覺得「唔夠」，就算在溫哥華，她亦有這種「唔夠」的壓力，所以居住的地方亦比較偏遠。她承認壓係自己俾自己，所以會以打坐方式令自己靜下來。訪問中，提到同係加拿大返港加入娛圈嘅鍾麗鍉，近年轉戰內地發展，李綺虹認為自己與她的性格不同。「佢唔化妝都好靚，佢又肯應酬，呢方而我唔叻。」她又透露與黃子華合作《絕代商驕》時，由於對方太叻，所以每次傾偈會好自卑。「但佢好nice，唔會睇低人。」

李綺虹於2013年修讀護士課程，畢業後任職精神科護士至今。「我搵過好多工，但沒有人請我，又搵過麵包鋪工作，我相信係天意，沒有人要我時，我先搵到精神科護士工作。」她表示每日面對不同嘅患者，其中一位加拿大人被捉到阿富汗六年，患上了PTST，對很多事情都感到驚慌。有網民問李綺虹會否再拍劇，她透露自己眼睛出問題，不停流淚水，所以應該暫時不會拍劇。「諗返其實都幾辛苦，要記對白，又要好精神好美麗開工都幾辛苦。同埋成日都比導演話我太黑。」她又提到當年拍《阿Sir早晨》時與黎明合作，感激對方的照顧。「當時唔知佢係天王，而家諗返都幾夢幻，佢好NICE，知我係新人，吩咐助手幫我翻繹劇本，又叫司機載我回家，等我早啲休息。」

點擊睇「最美郭襄」的李綺虹（Theresa）舊照和近照：