Serrini談及好友Tyson Yoshi不獲叱咤記招邀請:佢唔理㗎喇

撰文:盧凱瑤
出版:更新:

今日(23/11)Serrini(梁嘉茵)現身銅鑼灣時代廣場出席聖誕亮燈儀式,當中她以《Gwendolyn Spa》真美Spa專輯及首次露面的「Tree baby」角色為靈感,透過北歐森林風的大型藝術裝置,引領全港市民於聖誕佳節以森林浴,過一個與別不同的聖誕節,以治療各位的心靈。

Serrini(梁嘉茵)現身銅鑼灣時代廣場出席聖誕亮燈儀式。(陳順禎 攝)

Serrini向來與林家謙非常老友,在本週日(27/11)將會與對方擔任《第四屆KKBOX香港風雲榜》的主持,當中Serrini表示為此與林家謙反目成仇:「我哋已經開始準備致幕嘅稿,因為要討論做MC嘅稿,所以必定會鬧交,我已經忍耐已久。入面(大型藝術裝置)我放左佢嘅黑膠碟嘅,我決定放喺度嘅時候我哋仲係比較friend,但係我宜家有少少後悔。佢今朝send咗video話經過呢度,我完全冇覆佢message。」隨後Serrini透露因為要擔任主持人所以感到非常緊張,但是林家謙的心態與她截然不同:「因為我喺佢紅館演唱會每日都講唔同嘢,所以佢已經旨意我講,我嗰陣都有同佢講『你好意思㗎喎』,但係我都有做到。我大學開始就已經係自己做晒個group project嘅人,而佢就係個free rider(坐享其成者)。」

Serrini向來與林家謙非常老友。(陳順禎 攝)

Tyson Yoshi爆叱咤記招不獲邀請 超委屈:佢哋話因為我冇廣東歌

講到Serrini成功躋身「叱咤樂壇我最喜愛的女歌手」七強,她為此感到高興,更示:「但係我又好驚,處於想拉票又唔想拉票嘅中間,我就係一個比較自我矛盾嘅人,雖然我好喜愛自己,但係我唔會迫呢個城市嘅人喜愛我,我覺得你嘅喜愛,可以化為選票,鍾意下其他人都得。」被問到Tyson Yoshi因被指沒有廣東歌而不獲叱咤邀請記者招待,Serrini表示:「冇啊,因為佢而家去咗紐約,佢唔理㗎喇,佢有嘢就打俾我話『喂!我出咗碟啦』,就係咁。」

點擊下圖看更多相關圖片:

+4