鄧梓峰家世顯赫傳擁20億身家　唔想兒女靠爸爸：佢哋出嚟闖下先

今年62歲的鄧梓峰人稱十郎，精通多國語言兼有顯赫的家世，網傳他的身家超過20億，是圈中的隱形富豪！鄧梓峰日前出席公開活動回應身家之謎，他接受《香港01》訪問時表示：「不過咁講，你話我有好過永遠話我爭人（有冇報大數？）我都唔知呀，屋企人係有少少物業嗰啲嘢嘅，但我就唔會走去計囉，我成日想睇嗰條數係點樣列出嚟，我都想睇吓！」

雖然家世顯赫，但十郎從不會胡亂揮霍，他坦言同自己性格有關：「我一架車都可以揸廿幾年，一套西裝可以着廿幾年，有時候我覺得只要做少少改動，個套西裝着返出嚟一樣可以好好睇，變咗我有個咁嘅習慣。」

育有兩子兩女的鄧梓峰，他希望子女能夠明白節儉是種美德，更笑言他們知道外界稱呼他為「隱形富豪」，他說：「佢哋知我有個咁嘅綽號，不過好彩嘅係，佢哋仲未問我幾時比佢哋（有呢個計劃？）慢慢啦，我諗都要佢哋自己出嚟闖下先，逐樣捱出嚟（唔可以靠父幹？）唔好靠爸爸囉，我好細個入電視圈，都係一步一步咁做出嚟，比佢哋試吓係好好。」