陳庭欣回帶講拍《為食總司令》經歷 與高海寧浸泥浴畫面依然震撼

撰文:黃欣華
出版:更新:

35歲陳庭欣與彩豐行老闆楊振源(Benny)拍拖近4年屢傳婚訊,不過異性緣極旺的Benny多次傳出緋聞,陳庭欣亦不時出面拆彈,對男友百分百信任!她接受TVB娛樂新聞台訪問時,亦未有受到日前男友與金髮女出海的報道影響,繼續大談與男友的相處模式!

陳庭欣講男友依然甜絲絲!(截圖)
2010年港姐冠軍陳庭欣(Toby)與男友兼彩豐行老闆楊振源感情穩定。(IG@toby_yanyan)

當中,陳庭欣自言試過做好多行業,當中做生意卻被考起,當年開過一間鐵板燒店,最終「全軍覆沒」,Toby覺得自己計數唔叻,但佢深信不能與伴侶成為生意拍檔:「唔得,我覺得有啲嘢會分得開,事實上我身邊圍繞住我嘅朋友都試過係咁(嗌交),我有時都聽我男朋友講做生意經驗,如果你請屋企人,做錯咗你又唔鬧得,又唔炒得,幫得一次又唔幫得好多次,好多尷尬位。」

這一幕非常經典!(截圖)

訪問中,她亦提到自己當年卸任後第一個節目就是拍攝名廚黃永幟嘅《為食總司令》,她與高海寧一同浸泥漿溫泉,畫面至今仍非常震撼!而除咗演劇,亦經常做主持同司儀,Toby笑言試過「食螺絲」唔記得啲稿,當刻佢有感到尷尬,只能調整自己心態,學識即場執生,整個過程十分具挑戰性,佢覺得幾好玩。

點撃下圖經典畫面逐格睇:

+9