仔仔一堂︱馬詩慧分享面對囡囡出櫃心情 與王敏德對開放見解有異

撰文:洪曉璇
出版:更新:

由王賢誌(Vinci)監製及主持、一連二十集的J2全新綜藝真人騷節目《仔仔一堂》(Boyscation),找來十名外型、學歷及事業等條件不俗的仔仔參與拍攝,自播出後引發網上熱討,十位仔仔各有支持者。馬詩慧更擔任嘉賓分享面對囡囡王曼喜出櫃時的心路歷程。

王曼喜於美國度假區舉行同性婚禮,王敏德一家見證完成後出現彩虹 。(IG:@kaylaiw)

第四集《仔仔》,烹飪比賽結果出爐,並由主持Vinci及嘉賓馬詩慧 (Janet)試食及評分。Andrew帶領的廚餘組及Louis帶領的廚神組先後以名為「True Colours」及「龍鳳呈祥大團員」的Come Out餐招呼兩位評判;為了力抗有「型男主廚」Kenny加持的廚神組,廚餘組不但偷雞請外援,又整色整水派出「花美男」Carson以不同顏色的鮮花伴碟博高分,可惜遭Janet快人快語潑冷水:「啲花唔係好夾,賣相麻麻哋!」相反Janet對廚神組則給予正評:「佢每樣嘢都好有水準,真係好似人哋餐廳嗰啲咁!」最終廚神組一如所料勝出。是集MVP除了Kenny,還有調酒師Nelbon,他精心炮製的無酒精雞尾酒亦令Janet讚不絕口。

隆重介紹廚餘組同廚神組。
Janet馬詩慧分享囡囡王曼喜坦承出櫃經過,及剖析自己如何從掙扎中得到啟示,聽完你會感受到佢哋成家人有幾咁有愛。

Janet除了擔任評判,更以過來人身份,分享囡囡王曼喜坦承出櫃經過,及剖析自己如何從掙扎中得到啟示;Janet還會開懷暢談自己與老公王敏德對於「開放」二字見解如何大不同。Janet亦讚《仔仔》這個節目別具意義:「因為畀更加多人知道基嘅人心路歷程同經歷,又或者佢哋同屋企人相處嘅難處。節目出咗街之後,希望更加多人接納同埋包容呢班朋友仔。」Janet真摯又感人的分享,將會觸動現場不少仔仔,Andrew、Juzco及Ray等亦會輪流分享自身經歷,大談家人與朋友支持對他們的重要性,場面溫馨又充滿愛。

馬詩慧與砍名女兒感情要好。
+96