口罩小姐潘瑤被前度投訴唔覆手機:有懷疑本身就唔應該一齊

撰文:黃梓恒
出版:更新:

曾參加ViuTV口罩小姐的潘瑤(Yoyo),接受艾力網上節目《Have a nice Date》訪問,表示曾對自己演藝圈的定位感到迷惘,她表示自小對戲劇有濃厚興趣,讀書時已擔任戲劇學會會長,其後再進修戲劇班而接觸演戲。但身邊人卻多次遊說她要善用其「天賦」美好身段,認為要有吸睛的包裝紙,內裡的才藝才有機會被看見。但這個矛盾大對決,對Yoyo而言,卻為她帶來很大的迷惘。

Yoyo接受艾力網上節目《Have a nice Date》訪問。

早前Yoyo參加ViuTV《口罩小姐》,她坦言雖然未有奪獎,但已盡力為了個人表演環節練習:「其實個表演當時我真係好俾心機練咗好多次,仲問咗好多人意見,睇吓點去改善。但最後佢哋係因為我嘅外表而揀我入圍,能入圍當然都開心,但原來係因為外表而入就覺得浪費咗心機。」主持艾力表示認同外在美的重要性:「有才華嘅人有好多,要令觀眾視線停留喺你身上,吸睛嘅外表的確係事半功倍,但首先你真係要有『半』先,若你吸引到人停低睇你,但你裡面冇嘢俾人睇,觀眾嘅焦點好快又會溜走。」

Yoyo視周家怡為偶像 。
+1

戲劇對Yoyo來講非常重要,因為她自小就成為中學戲劇學會會長,更因為接觸演戲而入行,不想最終因接觸其他範嶹的工作而沒機會演戲。她表示非常欣賞周家怡,覺得周家怡有非常出色的演技,能夠勝任任何角色,甚至其演技的光芒遮掩了她本身美麗的外表。希望自己有朝一日能像偶像周家怡一樣,可以挑戰不同角色,在演藝圈長拍長有。

潘瑤望做實力派演員。

感情方面,Yoyo坦言自己是個非常重視私人空間的人,過去的伴侶都曾對自己有怨言:「佢哋不約而同都係投訴我唔覆手機,但其實我工作、跟朋友聚會時,真係會完全唔望電話,呢個係我對對方嘅一份尊重。相反,只要大家一齊拍拖,我相信對方嘅話,我亦唔會問長問短、要對方報到,若對對方人格有懷疑本身就唔應該一齊,一齊就要完全信任對方,反正你疑神疑鬼其實都冇用,唔通佢上交友app識新女又話俾你知咩?」

嚮往自由唔鍾意check男友。

屬於人馬座的Yoyo表明嚮往自由開放,當男朋友主動匯報行程時,她會叫對方不用講得如此詳細:「唔知佢哋係咪被前女友調教到咁,但因為我都唔係個咁嘅人,我都唔需要對方咁做,咁做反而有壓力。」