盤點鬧過TVB嘅藝人部分已離巢 道出公司致命問題仲有疑似黑暗面
撰文：黃梓恒
出版：更新：
吳若希即將在本月11日舉行首個個人演唱會，最近宣傳接受訪問時，一向敢言的吳若希不負眾望，爆出：「全世界都知喺TVB（無綫）做嘢係無錢㗎啦，仲要倒貼呀！」令主持抹一把冷汗。
其實曾經有過不少藝人對TVB都有所怨言，這些怨言未必是憎恨，而是希望公司可以變得更好，所以才說出問題所在。說這些言論的，有些如吳若希一樣，依然效力TVB，有些則是離開TVB後才說出的。
點擊下圖睇曾鬧過TVB嘅藝人兼內容：
+14
入行以來吳若希面對過無數是非，都一一以高EQ面對，近日接受了艾力的網上節目《Have a nice Date》訪問時，笑稱：「有是非好開心呀，有是非POST ENAGGEMENT去得好快，要宣傳時就諗可唔可以畀返啲是非我呀？」被問到有無怪過TVB無畀「最受歡迎女歌星」時，吳若希直言不care，2019年頒獎禮上，宣佈菊梓喬（Hana）得獎是瘋狂笑足13秒，亦非針對Hana。
吳若希指自己從不介意拎唔到最受歡迎女歌星，亦非針對菊梓喬。（資料圖片）
吳若希指2019年頒獎禮事件，瘋狂大笑只因「好彩唔係我攞咋」。（影片截圖）
吳若希指：「當時係開心好彩唔係我攞咋，開心唔係因為佢攞，邊個攞都唔係重點，只要唔係我攞就得喇！（點解唔想攞？）我試過攞其他大獎，我知道攞完之後嘅壓力，我唱歌係為咗開心，如果攞完唔開心，攞嚟做咩？」艾力問到開心是否重要過一切？吳若希秒答︰「係呀，你估喺TVB做嘢係為錢咩？全世界都知喺TVB做嘢係無錢㗎啦，仲要倒貼呀！」艾力一臉震驚︰「你咁講會唔會被雪藏？你嘅演藝生命就咁玩完，今次變成吳若希封咪演唱會。」吳若希笑住更正：「咁記住嚟12月11日吳若希告別演唱會啦。」
吳若希指做嘢真係為開心，更語出驚人話「全世界都知喺TVB做嘢係無錢㗎啦」。（影片截圖）
吳若希講得呢句其實都知會上新聞，果然深知宣傳要法。（影片截圖）
吳若希笑稱呢次係「吳若希告別演唱會」。（影片截圖）
+18