不正常愛情研究所｜A0阿Yeung認對伍倩彤有好感　自爆曾想搵男仔

由J2ers 黃紫恩（Jojo）、吳兆麟（Alan）、胡敏芝（Karen）連同兩位客席嘉賓麥惠琪（Susuca）、文頌男（Koba）主持的《不正常愛情研究所》新一集主題是「A0的內心世界」，請來《CP訓練營》的學員、A0的阿Yeung（蔡浩洋）擔任嘉賓。

自言從來沒有拍過拖的阿Yeung，親爆當初參加《CP》的原因，他笑說︰「初時講係訓練螢幕情侶，自己未試過都想試吓，同埋聽聞啲女參賽者好高質。」節目造就了學員間的發展，例如馮建晞（Argus）同洪藹茵（Eileen）是最佳例子。兩個月拍攝過程中，阿Yeung認對伍倩彤（Gillian）有好感︰「佢開頭好惡，但唔知點解黐住佢好有安全感，返到屋企瞓覺都會諗住佢。有場同佢嘅kiss戲份，之後興奮到喺床跳，之後仲有keep contact。」他笑言終於明白男仔做兵的心態，是想見到自己心儀的女仔開心同幸福，似乎阿Yeung有所暗示。

阿Yeung講到雖然未拍過拖，但從不會覺得孤獨。他自揭享受一個人去旅行、一個人到水上樂園玩，足以挑戰日本毒L排行榜最高等級別的「一個人去迪士尼」。更爆的是阿Yeung原來曾經想過搵個男仔試，而他30多歲仍保持A0，是出於一個純真的初心。

一班主持除了Alan外，都非常抗拒跟A0男女拍拖，因為不少都是「媽咪boy」或者「媽咪girl」的「媽寶」，被母親照顧得無微不至，倚賴性太強。原來Jojo正是「媽寶」一名，講到當初A0出pool時，經常要男朋友長期照顧自已，事無大少都黐實對方，她笑說︰「車又唔識搭、路又唔識行、嘢又唔識買、餐廳又唔識book，乜嘢都要人湊住。我A0嘅時候麻煩到，見到都想車自己一巴。」

Karen更為大家講解英文代碼表達的意思，A（available）表示單身、 O（occupied）即係名花有主、 C（complicated）代表狀況複雜、 OBA（occupied but available）最可圈可點，意思係雖名花有主，但仍歡迎追求者，而後面數目字代表拍拖次數。