林家熙與Kayan9896疑似分手兼與新女出走荷蘭　真相原來係咁

Kayan9896（吳家忻）自前年認愛Locker（林家熙）後，二人不時以情侶檔接job，亦會在IG上載甜蜜照片。不過自去年11月嘅廣告照後，Kayan9896同Locker至今未有再「合體」，而在聖誕當日，Kayan9896因上載一人份早餐以及自拍照，令不少網民懷疑二人已分居；此外，Locker近月亦未有一如以往秒like Kayan9896帖文，再加上二人在IG上零交集，更添分手疑雲。

Kayan9896一月時曾飛到泰國旅行，但似乎係一人成行；而有份參與ViuTV新劇《冰上火花》嘅Locker，完成其拍攝部分後，上月底飛到荷蘭旅遊，而曾與他在電影《猛鬼3寶》合作、兼且係Kayan9896好友嘅林千渟（前名林婷）亦剛好身在荷蘭，由於二人上載嘅風景照十分相似，令網民不禁懷疑二人同遊。而喺大家柯南上身嘅同時，最後發現其實林千渟嘅導演男友Jeffy亦有同行。有網民指女方事業較男方好，分手是必然定律，亦有網民為女神終於重新上市而感到興奮。