落選港姐豪宅開派對　擁私人泳池花園烤肉勁富貴

2022年嘅香港小姐感情似乎特別好，不時有飯局聚會。友誼小姐邢慧敏日前在小紅書分享多張照片，並發文表示「謝謝Reina和Auntie的招待，好吃的雞煲和BBQ，這個椰子水品牌也是他們家的喔」。文中提及嘅Reina，正正就係比賽時嘅大熱佳麗之一陳瑞菱，於倫敦經濟學院以一級榮譽畢業嘅Reina，有指其媽媽來頭十足，曾贊助TVB節目《Vegas 360 x TVB》，不過其後遭否認。原來媽媽唔係做美容，而係泰國椰子水代理商！

由照片所見，陳瑞菱招呼林卓錡、邢慧敏、徐麟等人到家人作客，大廳以複式設計，並以白色為主，十分簡潔；而花園擺有長形餐檯，就算打邊爐同烤肉同時進行都有足夠空間。再睇埋陳瑞菱過往喺IG分享嘅照片，去年9月時她曾分享嘅泳衣照，當時她輕靠池邊，並發帖表示「心動不如行動」、「the cardio for today is swimming」，相信拍攝地點就係屋企嘅私人泳池。