王君馨自覺臀部最性感大爆屬「冇毛派」 追求者為奪芳心不惜剃毛

撰文:周福金
出版:更新:

王君馨昨晚(26/5)現身由楊詩敏(蝦頭)和連詩雅(Shiga)主持的網上節目《絲打圍爐》大談何謂性感,君馨認為自己的臀部較為性感,不過她更着重由內散發的魅力:「我覺得係一種自信,我唔覺得自己係外在好靚嘅人,但我鍾意有自信嘅女仔...香港令到性感變咗條事業線,有胸就係性感?我唔明白,同埋個胸唔使好大,你夾個胸咪有條事業線,祖藍都夾到變Handelababy,but is that sexy?」

王君馨現身《絲打圍爐》大談何謂性感。(影片截圖)
君馨認為自己的臀部較為性感。(IG圖片)

至於女性最喜歡欣賞男士哪個部位呢?蝦頭指研究發現第一位是胸部,君馨立即認同表示:「其實胸部係佢點着件衫,如果係平嘅,一睇男仔寒背就好似冇乜信心,當然佢有胸肌嘅係代表佢好努力做Gym,值得欣賞。」旁邊的Shiga突插口:「最緊要冇毛」,君馨輕輕皺眉和應:「係呀,有毛唔得...我七年級嘅時候,有個田徑隊隊長追我,追咗我一段時間後,我話我真係唔OK毛,佢為咗我剃,跟住着勁Deep V恤衫返學,極度自豪,但原來啲毛下面好多暗瘡,好慘,剃嘅時候有冇刮損自己?」君馨和Shiga都是「冇毛派」,但蝦頭卻是「有毛派」,更笑言叫Shiga介紹多毛朋友給自己認識。

君馨不能接受有胸毛。(影片截圖)
她是冇毛派。(影片截圖)
+1