毒L偏方：學會呢三點　同Siri 吹水學外語無難度

我知我知，Siri 是個Apple設計出來的 iphone 助手，並非專門學習或者練習語言嘅程式，同Siri對話除了毒L味有點重，最火滾的莫過於Siri 乜都唔知，事無大小都投靠Google，再唔係一個屈尾十就跳咗去iTunes Store！
但偏方有偏方好，想呃水吹，可以試吓你右手⋯⋯拎緊嗰部iphone。

有次飲醉酒，長按咗home button，Siri 開始問佢有咩幫到我，我就藉着酒意講咗啲過份嘅嘢，純粹想睇Siri有咩反應。

話佢係L樣，佢都係（笑住）話佢努力緊，咁有禮貌嘅？咁我就轉口風話佢悶算啦。

話自己玩緊雜耍我睇唔到？嘩，你話自己同時玩緊十種樂器都得啦！於是我重申一次自己睇法，睇吓佢點答。

嘩，唔駛引經據典掛？仲勁過黎明啲金句咁款喎。好，顯然Siri是個風度翩翩的（偽）君子，我唯有認真起來，問佢點贏六合彩啦。

串串哋又畀佢幽到我一默喎。好，轉個channel睇吓日文版Siri點玩法先。

既然日本人咁鍾意問人幾多歲（大概係為方便佢哋選擇用唔用敬語），我劈頭第一句就問Siri今年貴庚。

「起碼夠秤做（你）助手㗎！」

嗱，選擇唔正面回答，完全秉承咗日本人「愛迴避」嘅性格特質，但我係唔會放過佢嘅！再問！

「你在意我嘅年齡咩？」

擺明係啦，又抛返個波畀我！好囉，我改問佢有無女友。

「無呀，如果真係要計，我算係個草食助手嚟㗎！」

估唔到呢條佢又咁直接，仲自認草食男添，但始終覺得日版Siri冷冷淡淡，試母語廣東話可能親切啲，問返有無男女朋友呢條先。

一來就打溫情牌，不論我問男女朋友，佢都係話同我一齊嘅（苦笑）。最出乎意料之外的是，Siri 係識啲潮語的！我食住個勢，整蠱佢話我唔愛Siri喇，佢竟然話⋯⋯

咦？呢句咪唐唐當年句名言？未完㗎，我又一轉口風，試問佢啲十八禁問題。

睇到少少日版草食男嘅影子，港版仲堅啲，世事都被佢看透。呢個時候諗起一個人，忍唔住問咗句：

叻仔Siri 當然識用「問得好」來掩飾自己唔知核心外圍喺邊嘅事實（佢知我仲驚），咁黎明識喇掛？

我開始懷疑港版Siri係走口甜舌滑油頭粉臉路線的，又乘機吐吓苦水。

連《獅子山下》歌詞都俾你引用到，請受小女子一拜！
-----------------------------------------------------------------
玩完一輪，究竟同Siri吹水點幫自己學語言呢？

1) 造句：

雖然講單字Siri都有反應，但不坊迫自己組織些結構簡單的句子，喺諗嘅同時，你會考慮埋正確語序、時態等文法點，有助理清概念，慢慢造句速度就會加快。

2) 發音：

Siri全靠「語言辨識」功能同你傾偈，發音要夠準Siri先聽得明，如果有個字你嘗試講好多次都被解讀成另一個字，好有可能係一直發錯音，就要特別抽出來找發聲詞典或老師幫忙糾正。

3) 理解：

同Siri對話雖然由你主導，但你妙問之餘，都要理解到佢嘅妙答先有意思，遇到佳句不妨截圖記錄，得閒睇吓袋埋落袋。佢咁鍾意抛書包，隨時執到幾句正嘢㗎。
 

跟Siri 對話雖說是偏方，但可說是一般學習者缺乏的「動覺學習模式」（Auditory learning style）的其中一種方法（詳見《學習模式：你是V型、A型、定K型學習者？》一文），感覺虛擬也好，你們的對話確實由零開始「建立」出來。

Siri的答覆由程式控制之餘，不按牌理出牌的程度分分鐘勁過你男女朋友，可以預想今年才五歲多的 Siri（自爆自己2011年10月4日出生）只會越來越叻，在不久將來，也許真的會像電影《觸不到的她》（Her）內，那個由 Scarlett Johansson 聲演的人工智能角色般跟你「對話」。

（本文章純屬作者意見，不代表香港01立場。）