【毛記台慶】創作如賭博　一次唔掂唔使小題大做

琴晚毛記又有show。Show後出現了很多正反兩面的評論文章，有人支持，有人說技窮了，最多是想睇人X街的花生友。其實一次半次掂唔掂實在不需要小題大做。做創意最正的地方，唔係鋪鋪贏，而係試新嘢，試咗唔得，咪又試另一個方法。

做創作好似賭博，一日未出街，都唔會估到反應係點，係贏定輸。有時你覺得條橋一定得，點知出到街俾人插；有時無心插柳，反而得到讚賞。以前有位前輩說過一句：「廣告無真理」，好廣告不一定是大製作，不一定玩二創，這種無公式無方程式無model answer的工作性質，唔出街唔知輸贏的刺激感，或者就係吸引咁多人挨更抵夜繼續創作的白粉。

琴晚毛記又有show。Show後出現了很多正反兩面的評論文章，有人支持，有人說技窮了，最多是想睇人X街的花生友。其實一次半次掂唔掂實在不需要小題大做。做創意最正的地方，唔係鋪鋪贏，而係試新嘢，試咗唔得，咪又試另一個方法。

正如他們剛剛出《100毛》，頭十數期，每條毛不斷試，反應好就大做，唔得就即轉；又如之後大眾對《毛記電視》開台劇《犬時代》反應不大，立即腰斬；《勁曲金曲》反應好，不斷做大。

三位腦細最勁的不是贏創意，而係贏反應。創意行業不只鬥創意，而是鬥長命，反應夠快，因應市場而轉變得到就可以企得最耐，唔摺埋算贏。

香港人最愛見高拜見低踩；上一秒捧到你上天，下一秒可以一沉百踩。不經不覺，呢班有心人已經行了五年，得到很多支持，亦有很多人等睇佢X街，意見不同絕對無問題，但一次半次台慶掂唔掂，實在實在不需要小題大做。

（本文純屬作者意見，不代表香港01立場。）