【三個傻佬學煮餸.梅蘭菊竹】亂世浮生 竹寄紅塵
撰文:馬傑偉、Jim、Jeffrey
出版:更新:
竹,大家想像一道怎樣的菜式?
【三傻梅蘭菊竹系列】
【梅:每傲雲雪】
【蘭:夜欄月靜】
【菊:滿鞠豐色】
Eric 本來直接用竹笙髮菜入廚,喻意凡塵俗世之中尋求一片淨土。
不過竹笙髮菜太老套,佢俾兩傻笑到面黃。
及後,在雲南看到外形奇特的篙筍,筍肉清明通透,亦可切割成竹。用它展現翠竹的賢慧氣質,有得諗喎!
幾日前試下點樣煮,竹笙、黑松茸、篙筍、茭白筍,四種素菜作為主體,以高湯餵煮,上碟時灑上紅花,不正是「竹立紅塵」之意!
做出來味道真係好,但賣相不佳。照片傳給二傻,阿 Jim 的評語是:
核突都唔想擺入口!
當日 Jimmy 作客,睇唔過眼,親自下場,將原材料變化一下。擺出一個小竹林,又幾好睇喎!
Jeffrey 早一日用雞骨煮出美味高湯,將篙筍餵飽,十分滋味。
最後 Eric 在小「竹林」之上,灑上紅花。
人生在世,紅塵滾滾,新竹賢慧,能保清心。
(文章純屬作者意見,不代表香港01立場。)