【三個傻佬學煮餸】大鬧景德鎮（三）：大便瓷碗配啡汁牛腩？

【前文回顧：大鬧景德鎮（二）陶瓷的苦樂甘甜】

瓷碗畫上大便，配啡汁牛腩，食家作何感想？

到了景德鎮，才知道要自己做陶瓷，然後拍住阿Jim，陶瓷配食物，煮大餐開party。考急才，臨時爆肚，想一想，兩者有何關係？

陶瓷放在展覽廳，是一件藝術品，好靚，供人觀賞。但陶瓷配上食物，藝術就與生活拉上關係。

景德鎮的傳統陶藝，花花草草，魚蝦白鶴，龍飛鳳舞，工工整整。

Jimmy 在商業設計界打滾多年，不走傳統有板有眼老路。他造了個小碗，內裏畫了「大便」，十分抵死。大便不入大雅，但在梅蘭菊竹的工藝之中，對比出跳脫直率的生活感。

他說，唉！做人做咗咁多年，難免身有屎；而且職場上，經常被迫食死貓。我們為他做了一味濃郁的牛腩，配上深咖啡色的腩汁，放在大便瓷碗上，可圈可點。

這個牛腩煲做法不難，牛腩先用滾水淥一淥，橫紋切粒，用洋蔥蒜頭起鑊，爆香肉粒，至微燶，然後落紅蘿蔔、蕃茄。調味可用bay leaves 、八角、鹽、黑椒、冰糖。加水慢火煮兩三小時。亦可用紅酒，味道更濃郁。

生活磨人，有喜有憂。面對生活種種，本身已是一門藝術。

（文章純屬作者意見，不代表香港01立場。）