假如你在西雅圖,用240萬買二千呎大屋,然後咁樣過生活

撰文:胡頁一
出版:更新:
我不喜歡美國,但不得不承認這裏是生活的好地方。在美國,是生活;在香港,是掙扎求存力爭上游。感覺像逆流而上的三文魚,慢一秒就會死。
胡頁一
(Getty Images)

4 月,忙死人的 project 告一段落,離開高速的亞洲,回美國休假去。

我在美國西北部的一個小城,從西雅圖開車要 4 小時,再往北開一點點就是加拿大了。路上都是盛放的櫻花,嬌嫩的粉紅色,跟美國國旗的紅藍白不搭調,但沒看到滿山滿谷扛着 TOTO 馬桶和電飯煲的「強國人」,心情就愉快了起來。沒想到,卻遇上了一個香港人。

香港人在美國 工作一樣但生活不一樣

Jacky 不是什麼 ABC,滿口香港人 accent 的英語,在香港唸完大學才過來的。香港人大概是自我防衛機制最強的民族之一,但人在異鄉,卻又很容易有一句沒一句的聊了起來,反正,過客嘛。

Jacky 原本在香港是做 IT,跟大部份 30 歲上下的香港人一樣,努力儲錢買樓,卻永遠落後大市。在荃灣租了一個 300 呎的小單位,萬二蚊。29 歲那一年,決定來美國闖一下。Jacky 開宗明義說,來美國不是為了飛黃騰達。唔識整燒味,唔係開餐館,更加唔係醫生、護士、會計師,香港人在美國沒那麼好混,勉強找到一間華人的公司做 IT 老本行。

看到 Jacky 在美國的房子,最普通不過,但準備買樓上車的香港人都會羡慕。淡綠色外牆的木房子,三房三廳,屋內實用 2,500 呎,前後花園種滿牡丹。裝修風格不是香港流行的什麼 Contemporary Industrial,是實在的楓木地板和壁爐,一整套大梳化可以坐 12 個人。一個人住,大到有啲驚。總價 30 萬美金。沒錯,只要 240 萬港幣,公屋都買唔到。

我不喜歡美國,但不得不承認這裏是生活的好地方。在美國,是生活;在香港,是掙扎求存力爭上游。感覺像逆流而上的三文魚,慢一秒就會死。

這裏的物價是這樣的:
一架全新 Lexus RX 350——USD 30,000 ;

20 隻墨西哥香蕉——USD 0.99;

港女最愛的 Le Creuset 24cm 圓型焗爐煲——USD 150。

唔煮飯出去食係貴啲,連鎖 Panera Bread Bakery-Café 的 Roasted Turkey & Avocado BLT 三文治,half portion就要 USD 6.59,加多個 USD 1.99 嘅 lemonade 都食唔飽。

30歲生活似提早退休  

餓你唔死,飽你唔親。Jacky 說,美國的生活有時候簡單到有個錯覺,以為自己已經提早退休。6 點起身,淋淋花,跑跑步,用 Vitamix 整埋果汁、煎埋蛋做早餐,先返工都黎得切,喺條直到會開到瞓着嘅 freeway 上開車 40 分鐘就到公司。冇 OT,5 點鐘準時放工,再跑下步,煮下飯,上網睇埋《蘋果日報》,10 點鐘一定熄燈瞓。

「30 歲咋喎!」Jacky 有時候也會這樣想,30 歲的人生應該怎樣?做生做死,做到爆肝,睇住個year-end bonus,500萬港幣喺元朗西鐵站買個豆腐膶 so call 新樓,然後用幾十萬同女朋友擺酒結婚影相洗晒啲錢,究竟點樣會開心啲?

五百萬港幣喺元朗西鐵站買個豆腐膶 so call 新樓,然後用幾十萬同女朋友擺酒結婚影相洗晒啲錢,究竟點樣會開心啲?(曾梓洋攝)

呢度唔係住洋樓養番狗,但起碼唔使見到梁特首。Jacky 真誠的打從心裏如此想。

烏龜又好,鴕鳥又好,如果一個人嘅居住空間同尊嚴是成正比的話,呢度嘅尊嚴多到用唔晒。問題是,你還是情願留在很少很少尊嚴,但幻想可以賺很多很多錢的香港嗎?

(本文純屬作者意見,不代表香港01立場。)