【01社區 x 跑手接龍】夜晚搞 搵鬼跑 @灣仔區

撰文:馬嘉鍵
出版:更新:

盂蘭節氣魄更壯,盂蘭勝會心中不必驚慌。盂蘭節話唔慌就呃你嘅,一個人隨時「鬼掩眼」行入陰陽路出唔返嚟,不如同我哋一齊「夜行」,聚集啲陽氣可能好少少。

《01社區》X 「跑手接龍」希望聚集這城喜歡歷史、靈異、又大膽的「夜鬼」,來一個更刺激的夜行體驗「夜晚搞  搵鬼跑」第二擊!!!

第二擊將會深入灣仔區,訪尋灣仔街坊、靈異節目主持潘紹聰先生提供鬼故熱點,邊行邊跑邊講社區靈異傳說及歷史導賞,從灣仔區修頓球場、日月星街、南固台,走往跑馬地,透過夜行了解足下社區歷史。聽聞馬場都有好多鬼故,盂蘭節之際,可能真係喺極樂的世界「馬照跑,舞照跳」?想知嘅話,你嚟咪知囉!(特別歡迎有靈異體質人士參與)

有參加過「夜晚搞  搵鬼跑」第一擊之沙田區的朋友仔,食過返尋味,記住報名喇,今次以「行」為主,但我保證,比第一擊更加陰深刺激!


立即參加
條款及細則

活動日期:2018年9月8日(六)
活動時間:晚上8時至10時半
集合時間:晚上7時45分
集合地點:灣仔東美花園
路線:灣仔東美花園至跑馬地馬場(全程約6.1公里)
名額:35名
收費:免費(01會員限定)
嘉賓:潘紹聰 (著名靈異電台節目主持)
前往集合點方法:灣仔鐵路站A3對開過馬路並右轉,沿莊士敦道直行至蘭杜街左轉,直行至盡頭並過馬路到對面便可到達
查詢:event@hk01.com / Whatsapp +852 6689 0189
截止報名日期:2018年9月7日 (星期五) 下午5時

備註:

驚嚇指數:★★☆☆☆ (如無意外)
如有需要,平安符、十字架、狗血等辟邪之物,請自備。

嘉賓簡介:

潘紹聰 Edmond Poon

自一九九九年起便與各種靈異事件發生關係,現於個人網站「好大個網」(www.edmondpoon.com)主持《恐怖在線》,為viuTV主持《總有一隻喺左近》,並於《am730》撰寫專欄「聰耳驚聞」。曾與聽眾一同走訪全港多個猛鬼熱點,如摩星嶺、南固臺、新娘潭等。參與拍攝電影《魕》期間,曾到印尼及日本靈探,最深刻是遇上山澗精靈襲擊身體,從此更加相信有異度空間存在。近年參與電影《恐怖在線》、舞台劇《尋魂記》、《大帽山自梳女鬼》、《消失的女孩》及《尋找快樂的時代》。相信在可見的將來,仍會在聲音、文字和戲劇中穿梭陰陽界。