【逃犯條例】沙田示威者手繪「連豬」面具：蒙面無罪　立法無理

反修例示威遍地開花，有網民發起今晚18區「和你拖2.0」，抗議政府早前實施《禁蒙面法》。其中在沙田新城市廣場，傍晚6時許已有人聚集，並於廣場中庭位置放置文宣，有人自製面具。有示威者特意自製「連登豬」、「連登狗」面具，在場派發。

其中居於粉嶺的陳先生表示，由於粉嶺今晚沒有人鏈活動，故特意前來沙田參加。他指自己每天下班後均會畫一個面具，目前已完成五個，早前亦在遊行時戴上，他稱每個手製面具需時約半個鐘，「連豬係連登標誌性嘅嘢，同埋我覺得佢好得意」。

對於近日各區示威活動數量減少，陳先生認為不能輕易感到累，「每日睇新聞見到咁多荒謬事，點可以唔嬲？你唔可以IG、FB講完就當做咗嘢，一定要出嚟」，他認為築人鏈是「和理非」活動，故必須要參加，「人鏈係相對和平嘅方法，可以俾傳媒影相、俾其他國家嘅人睇到，我哋係爭取民主自由」。陳先生其後帶領在場示威者高呼口號：「蒙面無罪、立法無理！」以及「我有權戴口罩」。