石硤尾街市抗議橫額掛兩年變地標 街市保長:係咁畀意見都冇人聽

撰文:呂諾君
出版:更新:

約有四十年歷史的石硤尾街市,數年前傳出因石硤尾邨重建、房署欲在一街之隔的重建地盤興建新街市,但處理舊街市時態度反覆,商販去留以及會否受新街市威脅等的問題,掀起一時關注,白底紅字的「房署出爾反爾,不要兩個街市」的橫額,一直掛在舊街市當眼處。現時石硤尾邨第六期內的新商場雖然仍如空城,但據知大部分店舖已經出租,正待裝修便可開業。
有商販代表表示,早年自房署落實讓商販留在舊街市後,一直憂心「兩個街市互爭生意」,幸到現時為止,他們知悉新商場內的店舖類型與舊街市的未必相同。不過,關注組主席四姨指,舊街市的環境配套問題千瘡八孔,多年來未見改善,「係咁畀意見都冇人聽,𠵱家都廢事講咁多」。

石硤尾街市約有40年歷史,兩年前因邨內重建,房署欲在一街之隔的地方興建新街市,而鬧出「兩個街市」爭生意的爭議。(呂諾君攝)

源自重建舊邨「兩個街市」爭生意議題

走入石硤尾街市,最先映入眼簾的是一幅白底紅字、寫着「房署出爾反爾,不要兩個街市」的橫額。據石硤尾邨街市商戶權益關注組主席林美倩(四姨)指,自約兩年前房署落實讓商販留在舊街市後,橫額便一直掛着,「嗰時舊街市又拆又唔拆、一時話我哋搬一時又話留,好似出賣我哋感情囉。」四姨憶述,當時認為既然讓商販留在舊址營業,同一條街就不應該有兩個街市「互爭生意」,因此掛起橫額。房署起初也會勸說他們將之拿下,但多年橫額來已成為「地標」,連職員都習以為常。

+2

新街市舖位開業在即 「話唔會有菜檔豬肉檔」

「其實都係想留返喺度。」關注組於20多年前成立,一直協調街市對有對外的事宜,四姨指,現時場內大多已是「老弱殘兵」,留在舊街市內經營相對較好,「二千零蚊租一個檔口,疫情之下又有免租一半,係幾好玩嘅。」過往關注組與房署「對着幹」,很大部分是關於新街市的威脅;但四姨表示,根據最近的消息,新場的店舖種類與之並不相近,「好似話已經投晒標,啲舖等緊裝修就會開,聽講有酒樓、佳寶等等,話唔會有菜檔豬肉檔,暫時應該唔會好大影響」。

無人處理舊街市經營環境問題

不過,她認為舊街市的經營情況其實不算理想,場內其實有很多空舖被人擺放雜物,「300幾檔有百幾檔係吉舖,我哋同房署講希望啲檔口可以劃大啲,始終個街市已經係咁耐之前規劃,房署又唔肯。」四姨又指,在疫情之下街市雖有定期清洗,但也擔心明渠等位置有機會讓病毒傳播,而場內通風系統等問題,多年來仍未見改善。「係咁畀意見都冇人聽,𠵱家都廢事講咁多。」三年前四姨曾到區議會上,就維修廁所的事宜表達意見,「八個廁格有三個係壞,當時我話,要整不如一次過整埋其他嘢。當時傾得好勁,甚至講埋話會裝冷氣,但最後又係冇咗聲氣。」

疫市下舊街市乾濕貨檔口生意各異

她又透露,疫情肆虐多了人留家用膳,街市內菜、魚、肉檔轉生意反而轉好,但在該處經營繡莊、以售賣床上用品為主的四姨,生意則明顯下跌,「希望可以快啲過,好似沙士過咗之後咁,啲人要換過晒啲枕頭被鋪就會過嚟買」。

房署在去年年底已完成石硤尾邨第六期的重建計劃,當中涉及美禧樓和美柏樓兩座住宅大廈。記者曾到該處的新商場視察,只見地下和一樓的店舖仍然有大量空舖,現時所見只有雜貨、服裝店和水果店等開業。但空舖之中只有少數仍貼出招租通告。根據房署貼出的資訊,場內另有美容店、理髮店、中醫店和報刊店已經出租。