【書展2019】被封「男同性戀測試準則」 TVB小生推爆肌寫真答謝

撰文:林迅景
出版:更新:
唔好尖叫住!下面還有未爆光的花絮相。(IG圖片 / hoi1218)

香港書展2019將於7月17日開始,相信大家對今年的攤位、新書有興趣之外,最期待的就是有哪幾本新寫真,但不要以為出寫真書只是女藝人的專利,其實今年TVB男藝人袁偉豪,在去年推出寫真後亦相當受歡迎。早前另一名TVB男藝人,34歲的楊潮凱主持了旅遊節目《3日2夜》,播出後取得相當多好評之餘,更獲網民封為「Gay Test」標準。楊潮凱:「嚟緊會出本散文寫真,男男女女都OK㗎,我十分歡迎大家嚟買。單次訂購得最多嘅,我仲會親手做一份禮物多謝佢!」

【3日2夜】楊潮凱成男同性戀測試準則 自嘲係「臘肉」:多謝抬舉

他坦言推出寫真是想挑戰自己。(楊潮凱IG:@hoi1218)

楊潮凱接受《香港01》訪問時,就表示有機會推出散文寫真,其實全靠網民。「多得咁多位巴絲打推我做『Gay-Test』,可能因為《3日2夜》個節目同報道,書商先覺得我有Market,我先可以有機會!哈哈,我成本嘢都係以型為主。其實呢本書係我入行10年的記錄,除咗好多靚相之外,我仲喺書入面寫咗自己一啲對生活、工作,沉澱咗嘅諗法。雖然唔係好多,但係都寫咗入去。」

仲頂得住嘅,可以向下觀看更多。(受訪者提供)

他續說:「其實係記錄下自己呢段時間嘅狀態,因為拍《法証先鋒IV》個體重要增肥去到170磅,未有時間去修身。當知道要影呢本相集嘅時候,就只係得返23日去減,中間過程係好痛苦,但係對自己嚟講都係一個好機會去創造不可能。影嗰時個Body都未算最好,最後減到144磅,但係以呢個時間嚟講,我已經盡晒力㗎啦,中間仲拍緊自己套電影《喜歡妳是妳》,所以每日只係有一兩個鐘操練。嗰排仲要介晒油同糖,要食得非常清淡。」

很有男人味!(楊潮凱IG:@hoi1218)

相集中有沒有騷肌相?例如着三角褲!他笑說:「哈哈哈,唔好諗咁多!」當繼續追問有關衣著的詳情時,他就開玩笑的說:「條褲緊就一定啦,如果鬆就唔係泳褲,而係沙灘褲。我仲記得影嗰日,去到室內冷氣地方要著外套,可能係因為減咗肥,體脂太少所以好怕凍。」問他書商找他合作出寫真的心情是如何時,他回答:「我嗰時係諗:『我喎?係咪搞錯咗呀?』公司都大把小鮮肉,點解搵我呢個人父?不過諗多諗,我就同自己講:『我可以局限自己嘅可能性,既然都未試過,點解唔試吓!』於是我就影咗啦。」

楊潮凱表示,這一張只是花絮相。他真的是操得很Fit。(受訪者提供)
+3