【老味道Party Food】秘製老味道雞絲青瓜沙律

Jeffrey 今次一開三，整 3 味 party food——雞絲沙律、菇蓉法包、棉花糖脆餅，聽起來十分普通，但吃起來暗藏好味創意。

【三傻老味道 Party Food 系列】
1）馬傑偉——媽媽牌「甜酸咕嚕肉」
2）Jim——偽分子料理之雞鮮定蛋鮮

棉花糖十分易做，煎至半溶夾上脆餅即可。吃前焗一焗，或用火槍噴一噴，棉花糖半溶半焦，甜甜脆脆，啱晒開 party。

菇蓉法包也很容易做，而且飽肚。蒜蓉塗在包面，最重要是焗至香脆微焦，炒香菇蓉佐食即可。

3 味之中，沙律最搞鬼。因為三傻要有老味道，Jeffrey 竟然用上兒時零食齋燒鵝脆粒及金龜嘜魷魚絲。雞絲青瓜沙律入面，混合了撕細條的魷魚絲，口味最突出的是秘製沙律醬——也是用兒時零食——脆腰果打爛混成，令沙律有一種 nutty 又甘香的節慶風味。上碟之時，灑一堆脆齋燒鵝，咸咸脆脆，牙關傳出 kick kick card card 的懷舊聲音，好味得嚟有 fun！

 ○ 雞絲沙律果仁沙律醬 ○ 

  食材：

蜜糖焗腰果及花生；
雞肉；
靑瓜；
魷魚絲；
齋燒鵝。

  煮法：

1. 用鹽、黑椒先醃雞肉半小時，然後把它蒸熟；
2. 靑瓜去皮刨絲，雞肉手撕成絲；
3. 腰果花生用一比一份量嘅熟水，用攪拌機攪成沙律醬；
4. 把靑瓜絲、雞肉絲、沙律醬、魷魚絲撈埋，在表面放上齋燒鵝便完成。

 ◎ 香菇蒜蓉包 ◎ 

  食材：

磨菇；
大啡菇；
牛肝菌；
法式麵包；
蒜蓉；
牛油；
洋蔥。

  煮法：

1. 先切法式麵包成一片片；
2. 把牛油及蒜蓉撈埋再塗上麵包，入焗爐焗至微焦；
3. 所有菇切成細粒狀；
4. 用油炒洋蔥，洋蔥軟化後加入菇粒，落鹽、黑椒調味；
5. 把洋蔥放在蒜蓉包上便完成。

 ● 棉花糖克力架 ● 

  食材：

棉花糖；
克力架；
草莓。

  煮法：

1. 棉花糖加熱融化後放上克力架餅上；
2. 在上面放上草莓中和棉花糖不至於太甜。

 ※ 小貼士 ※ 

一個 party，廚師要準備多道菜式，時間安排非常緊要，不防做一些可以前一晚完成的菜式，又或者一大碟，等朋友來到叫朋友幫忙擺盤換取更多時間做重頭菜，跟朋友一起制作也是一個不錯的節目！

（文章純屬作者意見，不代表香港01立場。）