【三個傻佬學煮餸.老婆下戰書】南乳齋餃子,搞唔掂塊水晶皮

撰文:馬傑偉、Jim、Jeffrey
出版:更新:

Jeffrey 抽簽,抽到 Amy 柯打:素餃子!
Jeffrey 運用科學頭腦,先做實驗,在家用不同粉料(澄粉、粟粉、豆粉……)預先一日,計算準確份量,成功做出水晶效果的餃皮。
本以爲照足程式與份量,一定冇死。點知……臨埸複製,死得!

Jeffrey 的如意算盤係咁的,皮要晶瑩,但沒有什麽味道,所以做了南乳齋做饀料。皮淡餡鹹,做出對比。

(作者提供圖片)
(作者提供圖片)

當日下午,天氣轉涼。Jeffrey 用大熱水,逐小逐小加入澄粉之中,把粉糰拌勻。此乃日前成功做法,以為一定 KO。怎料,粉糰過了一會轉硬,仲散散地添!加小小水再搓,愈搓愈水汪汪。

此時 Jeffrey 發軟蹄,坐在梳化思量對策。鼓起勇氣,再做一次。唉,又衰咗!

Jeffrey 問個天:點解!點解!點解~~~!此時,馬老太冷眼旁觀,施施然走過來,喂,細路,你試下搓粉時,鐵兜放在爐上,慢火保溫。Jeffrey 唯有照做,Bingo!搞掂。

原來當日天涼,熱水逐小加入粉中,很快降溫,因此粉粘不起來。

皮做好,但時間差不多,三傻夾手夾腳,一齊包餃子,柴娃娃,好搞笑!最後蒸出來,效果及格。三傻講明做實驗,唔係教煮餸。

今次老人家出馬,大家有嘢學,搓粉皮,溫度好重要,現場環境也重要,煑嘢要明白背後原理,仲要現場執生!

多謝馬老太!

(作者提供圖片)
(作者提供圖片)
(文章純屬作者意見,不代表香港01立場。)