蘇永康仔仔激似車婉婉bb　一齊high tea好鬼萌　　

「撞樣」真係無分年齡大小㗎，BB撞樣當然一啲都唔奇啦，車婉婉的混血仔仔「BBQ」就被網民指激似蘇永康仔仔蘇展弘 (Jazz)，似足孖生兄弟咁，兩個都萌到爆呀。新手媽咪車婉婉趁昨日Happy Friday就帶同BBQ，與蘇永康太太Anita以及仔仔Jazz一齊high tea，還將過程上載到社交網並留言表示：「高齡日誌之定期約會，今天是Happy Friday，Q氏今天的Happy 節目是BB gathering! 相約 Baby Jazz 和Jazz MaMa 下午茶，分享我們和BB倆成長的花絮，非常愉快！BBQ一貫以熱情的態度和Baby Jazz 溝通，而Baby Jazz 亦很喜歡和人傾計，我相信是有Baby Language 的，他們玩了一陣便決定一起乖乖的睡覺，一點也不妨礙MaMa們下午茶傾計活動、真懂事，生性」兩個BB都表現得非常乖巧，好抵錫！網民大讚BBQ同Jazz肥肥白白好可愛，仲好似樣添，望住兩個BB好治癒呀。其實之前在Jazz的百日宴上，BBQ同Jazz已經好有撞樣潛質，某些角度很似樣，兩個都圓碌碌，好搞笑。