【使徒行者2】許家傑變一代御用奸人 炮仗哥:每個角色都會唔同

撰文:黃梓恒
出版:更新:

《使徒行者2》已經開始由警察、臥底和黑社會這個鐵三角組合,再加上黑警變成為四角組合,卓Sir他們除了要搵臥底,還要揪出到底警察內部哪一個是黑警。今日這集就講原來毒品調查科行動組高級警司黃Sir就係同歡喜哥有交易的黑警,最後還因為歡喜哥的威迫而自殺身亡,令到歡喜哥頭馬炮仗十分不滿,事關炮仗當差的時候,上司正正就是黃Sir,交情相當之好。就因此事,炮仗還對歡喜哥冷嘲熱諷,當面頂撞自己大佬,埋下之後的伏線。

炮仗之後有爆炸性發展呀。(劇照)

講開炮仗,今次由許家傑(Jack)飾演可謂入型入格,事關他一直以來都給人一種壞孩子的形象,因為大部分劇都在飾演壞人,難得近期在《愛·回家之開心速遞》有送水輝一角幫他洗一洗白,現在過兩個鐘又要在《使徒行者2》又要做壞人,形象是否真的無法轉變?在接受《香港01》訪問時,Jack表示:「我又無咁諗喎,每個角色嚟到都要盡力做,唔會分好同壞嘅角色,只會睇有得發揮定無得定揮。當然喺觀眾角度,(壞角色)呢個係我老本行,但其實如果大家有留意,我都有少少修飾咗個角色,令佢有啲唔同。例如之前《以和為貴》入面嘅鬼頭鷹係霸氣外露,今次我有收返少少,陰濕少少,有啲似《踩過界》,不過又無咁陰沉。每一個角色我都會想唔同啲,將呢個角色同以前嘅分開。」做奸角其實都有好多種層次,可能TVB下一代御用奸人就是許家傑都不出奇。

喺《愛·回家之開心速遞》入面,終於唔使做壞人。(劇照)

其實近年在電視上經常都會見到Jack的身影,不過始終閒角居多,可能一套劇出現兩三集,所以今年他已經有八套劇有份出街。今次有得向歡喜哥宣洩心中的怒火,給他演技來一個小爆發,算是近年比較多發揮的角色吧?他說:「都算係㗎,喺創作同製作方面,今次劇組都俾咗好大自由度我,真係任我做。發揮得好多架,又可以同歡喜哥做對手戲,好開心。」希望Jack將來會有多點發揮的機會,始終TVB新一代愈來愈稱職的奸人了。

+6
呢3個福和頭馬究竟有咩下場呢?(Instagram圖片)