【宋仲基宋慧喬結婚】Dispatch記者親身爆料 宋宋cp幾時拍拖?

撰文:
最後更新日期:

仲有6日就係宋仲基同宋慧喬,呢對宋宋CP大婚之日,兩人憑住紅透半邊天嘅神劇《太陽的後裔》結緣,將於10月31日喺韓國新羅酒店拉埋天窗。而當初韓國最大型爆料媒體Dispatch首度公開宋仲基同宋慧喬喺東京旅行嘅照片時,從照片可見兩人雖然穿着厚衫、打扮低調,但相處自然,互動之間已見非常甜蜜。

圖片提供:Viu《K1頭條》

當初Dispatch一次過爆出多張宋仲基同宋慧喬喺東京旅行嘅照片。

Dispatch首席記者朴惠眞親自解說宋宋cp甜蜜之旅。

【宋仲基宋慧喬結婚】光洙做主持 宋慧喬好姊妹玉珠鉉唱歌助慶

而今晚開始,負責追訪宋宋cp的Dispatch記者朴惠眞(박혜진),就會在Viu《K1頭條》一連四晚,講述Dispatch由幾時開始懷疑宋仲基同宋慧喬拍拖、係咪有線索證明宋宋cp戀愛中、拍攝時有咩困難同埋點解無即時公開密會照片等。朴惠真先爆喺舊年年尾嗰時已經聽講宋仲基同宋慧喬行得好埋,而且喺《太陽的後裔》完咗之後,兩人都有繼續見面。不過嗰時兩人成日同埋同事一齊見面,所以要確認「兩人正在交往」並唔容易,花嘅時間亦都比較多。而一向有睇開Dispatch嘅韓迷都知道,Dispatch習慣唔會喺影到明星戀人後,第一時間公開照片,因為佢哋會先慢慢觀察,判斷報導係唔係啱嘅決定先正式公開。

確認一對韓星情侶拍拖當然不是易事,特別是宋仲基與宋慧喬這對宋宋cp!

宋仲基與宋慧喬東京密會照片:

+3
+3
+3

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。