【溏心風暴3】黃宗澤經歷男人最痛 性情大變入魔爭家產

撰文:黃梓恒
出版:更新:

《溏心風暴3》已經去到最後12集,大家好期待嘅爭家產還未出現,反而許黃兩家已經率先分手,爭都無得爭,究竟搞咩?不過大家不用擔心,只要有留意TVB自己發放出來的預告片,就會見到黃宗澤率領住黃翠如和其他幫手,在法庭面前跟黃家成家人準備打官司,咁係做乜?當然是爭家產喇!

以下內容有劇透,逃生門在此。

兩兄弟反目成仇。(劇照)
+11

那麼為何一家人好地地,又會突然要爭家產?要知道黃宗澤的角色一向都是玩世不恭的形象,對公司愛理不理,無喇喇要爭產,咪好奇怪?原來在之後的劇情,阿九(即係黃宗澤)因為媾女,媾著一個馬來西亞黑幫大佬的女朋友,之後就被挷架。雖然火姐(李司棋)用自己方法救了他,但阿九因為意外碌下山崖,搞到下半身癱瘓。其實下半身癱瘓無乜事,好快就行得返,問題在於今次意外,影響了一些神經,令到一向周旋在女人之間的阿九變成性無能。一直以來的人生意義沒有了,但突然他因為見到亞洲十大富豪的實力,所以想成為他。就係因為咁,阿九決定在自己家的公司開始,不擇手段去賺錢,當然會跟家人背道而馳,最終成為叛變份子。

黃翠如當然幫佢喇。(劇照)