倪晨曦同「南朋友」曬合照？ 南柱赫告白：香港最吸引係⋯
撰文：沈洛嘉
出版：更新：
韓星「南朋友」南柱赫今日出席D&G的香港時裝活動，同場更有倪晨曦、上山詩納女兒Hilary Fan、陳漢娜等。幸運嘅倪晨曦仲有同南柱赫合影留念添，不過倪晨曦就話：「我比較少留意韓國潮流，但知道南柱赫係韓流大熱明星，同到佢影相好開心，但就有啲擔心南柱赫嘅女粉絲會唔鍾意我！」其實影張相，倪晨曦又唔使咁驚，除非俾人見到佢哋同場睇NBA先驚都未遲！
攝影：張穎倫
倪晨曦唔止同南柱赫合照，仲握埋手，南朋友的fans有冇葡萄先？（資料圖片）
而南柱赫接受香港媒體訪問時，就問到嚟香港想食啲咩時？南柱赫就話：「其實我喺韓國都成日食，我好鍾意食點心，尤其係燒賣！」當問到想同邊位香港藝人合作時，南柱赫就自爆最鍾意睇《無間道》，如果有機會仲好想同劉德華合作，又話劉德華係佢好尊敬嘅偶像添！之後再問到南柱赫平時有咩穿搭技巧時？南柱赫表示自己喺衣着方面鍾意比較causal同舒服嘅打扮，所以會多着運動風，冇咩特別嘅打扮技巧。
南柱赫好錫香港fans，接受香港媒體訪問時，都不時望向海港城樓上的粉絲。
+28
最後，相信香港粉絲們都好想知南柱赫喺啱啱過咗嘅聖誕節點樣過？唔知好彩定唔好彩，南柱赫就話自己聖誕節同新年都係工作中渡過。而2018年嘅新年同聖誕願望一直都係嗰個，就係想多啲同粉絲見面接觸，咁貼心嘅暖男真係叫粉絲點可以唔愛呢位「南朋友」啊？
南柱赫本身雖然係知名model，但原來到目前為止都未試同過動物一齊拍攝，佢話如果有機會嘅話應該會好開心！好有趣！
（觀看更多） 高手申世景《黑騎士》帶金來沅食麵 《河伯的新娘》南柱赫都吃過?
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/