【萬千星輝】陳山聰得最佳男配角 上台喊晒：好多謝公司無放棄我
撰文：黃梓恒
出版：更新：
真係喊晒口！（電視畫面）
《萬千星輝頒獎典禮2017》的「最佳男配角」競爭相當激烈，基本上幾個人都好有力競爭呢個獎，例如入圍五強的張振朗、陳山聰、何遠東、歐瑞偉，賽前呼聲最高的是何遠東，因為兩套劇中都有出色的發揮，袁文傑則因為「游生」一角而爆紅，歐瑞偉就係因為「KC」，山聰、振朗在星、馬頒獎禮都已經有獎落袋，又係有力競爭者，所以真係好難估！
+4
其實仲有好多人爭。（資料圖片）
【萬千星輝】楊明入行18年終於拎獎 當年險被TVB炒魷好彩翻身快
【萬千星輝】01有票俾你投有結果喇！ 全民揀《降魔的》成大贏家
結果就係陳山聰！未上台就已經喊晒口，在說感言時更加哽咽非常，他說：「我想借今晚大家嘅掌聲俾各位入圍男配角嘅人，大家都咁出色，好多謝公司無放棄過我，令我有一個機會俾我行我重新嘅人生。多謝兩位係背後對我有恩嘅伯樂－樂小姐同珍姐，無呢兩個我唔可以企喺度。多謝台下信過我陳山聰嘅監製，同埋要多謝文偉鴻，多謝《同盟》嘅兄弟姐妹。仲有我兄弟鴻仔（郭政鴻），喺我人生最低潮嘅時候無放棄過我，我會把握我所有機會，希望可以同陳展鵬爭最佳男主角，多謝！」
【萬千星輝】網上瘋狂吹奏真係有用？ 大小姐林淑敏：今晚冇獎唔會失望
【萬千星輝】王浩信盡地一煲 好有信心攞視帝：係我夢想嚟
【萬千星輝】真空上陣咁大陣象？ 高海寧：件衫無嘢露，唔使打底
喊到收不了聲。（林迅景攝）
陳山聰在後台表示多謝好友郭政鴻，這段兄弟情無法取替：「我最唔開心嘅時候，佢（郭政鴻）一路陪咗我，我經歷咁多，佢就陪我經歷咁多，開心唔開心，佢都喺我左右，喺我寂寞嘅時候，佢都陪住我，同埋我兩個契女，我同自己講，如果我香港攞到獎，台上一定要多謝佢，（佢邊句說話最鼓勵？）無㗎，男仔同男仔之間，係一種傾偈，然後一種交心，已經好足夠。所以呢個兄弟係永遠㗎。」
+4