莊思明平鞋襯長腿 貼地拿督女:30蚊我都會買

撰文:冼燕珊
出版:更新:
莊思明著網購高踭鞋騷42吋長腿 貼地拿督女:「會買30蚊對耳環」(陳禎攝)

莊思明今日出席活動,著咗條黑色連身短裙,配襯一對閃鑽高踭鞋,騷出一雙42吋長腿,靚到在場人士嘩嘩聲。對鞋咁靚,以為一定好貴啦,但思明就話對鞋係網購嘅,而且只係幾百蚊港紙,真係完全睇唔出:「其實我唔係好捨得使好多錢喺一件物品上,如果我喺街見到一對耳環我覺得靚嘅,只係值30蚊我都會買。」估唔到思明雖然貴為拿督女,生活會咁貼地。

兩口子真係好恩愛(Instagram圖片)

思明話男朋友楊明同佢一樣都係咁慳,從來都唔會買名牌袋俾佢:「佢唔明點解啲女仔買個幾萬蚊嘅袋但用幾次就唔再用。」但思明話楊明對自己嘅好勝於送佢名牌手袋:「例如我前一晚講話想食咩,佢第二日就會買俾我食,而且佢仲會愛屋及烏,買多啲,俾埋我家姐(莊思敏)食。」

兩口子真係好恩愛,羨煞旁人,好似楊明早前喺《萬千星輝頒獎禮2017》獲飛躍進步男藝員獎,思明專程走去買佢最鐘意食嘅果檔嘅魚蛋燒賣同佢慶功,已經氹得佢好開心。兩個真心相愛嘅人唔需要太多物質來證明,而是你說過的話,喜愛的東西,對方都放在心上。

思明騷42吋長腿,勁吸睛!(陳禎攝)
思明網購高踭鞋,一對唔使一千蚊。(陳禎攝)