【平安谷】簡淑兒拍落水戲全身濕透 女神好敬業：仲叫我唔好打底
撰文：陳浩賢
出版：更新：
無綫熱播的《平安谷之詭谷傳說》，講述劇中種種男女不平等的事情，而古代奉行「女子無才便是德」，村中一班女仔當然是無得讀書，而新登場的謝東閔，飾演省城到來的老師，而他第一個認識的村民正是簡淑兒飾演的淼淼，但二人邂逅一幕，簡淑兒竟是跌落水中全身濕透，而她憶述當時拍攝時氣溫只得十多度，「佢哋叫我唔好打底」。
簡淑兒拍落水戲，仲要唔使打底，相當專業。（劇照）
劇情講到簡淑兒去到溪邊洗冬筍，卻不慎跌落水中全身濕透，而剛巧經過的謝東閔將她救起，更將自己行囊中的衣物給對方換上，之後例牌會發展出戀情。簡淑兒接受《香港01》訪問，「記得喺將軍澳一條小溪拍外景，拍嗰陣唔係冬天，3月左右啦，但都好凍得十幾度。(落水前有無準備，著多些衫打底？)無打底呀，佢哋話我知裡面著得太多衫，濕咗之後會更加凍，而且民初嘅衫都唔可能著太多係裡面，會好臃腫。」
簡淑兒跟謝東閔邂逅，之後當然會發展出戀情。（劇照）
相關文章：
【平安谷】肥貓德德賣萌仲識演戲 想氹掂佢除咗零食仲靠一樣嘢？
+5
當日簡淑兒和謝東閔的邂逅戲分，原來拍了幾個小時，豈不是很易冷親，「雖然拍咗幾個鐘，但好多都係文戲嚟嘅，反而落水一幕好快完成，之後就抹返乾個身。」民初的女裝服飾，落水後若隱若現，簡淑兒又無打底，會否有走光風險，她聽罷說道：「梗係唔會走光啦，裡面都有著內衣。」近日《平安谷》進入結局篇，而且簡淑兒亦有頗重戲分，更是拯救全村人的關鍵人物，劇迷要密切留意啦。