【農曆新年】拜年如何應付親戚四大難題？ 認真你就輸了
每逢農曆新年，總要與整年沒見的親戚來一場「攻防戰」，一班姨媽姑姐少不免送上一番「噓寒問暖」，上至結婚買樓，微小至每月人工，亦事事關心，作為後輩不但要做好面部表情管理，同時亦講求「語言偽術」，答案既要似有還無，同時又不失大體。
《香港01》記者訪問了立法會議員及資深獵頭人，發現應對重點在於「玩嘢」，謹記「認真你就輸了」。至於幾時買樓這類難題，不妨以「不如你封封首期俾我」以退為攻回應。
感情題﹕「都唔細喇，幾時拍拖？」、「幾時結婚？」、「幾時到你派利市？」
經常接獲讀者傾訴感情煩惱的立法會議員鄺俊宇表示，回答這些問題切忌態度認真，曾聽聞有朋友支吾應對，最後被親戚強力反擊一句：「你無拖拍啊？」，令當場氣氛極度尷尬。
「已經結咗婚，無話你知咩？」
他認為作為後輩，對這些問題一笑置之便可，建議以「搞笑玩嘢」方式回應，例如：「已經結咗婚，無話你知咩？」、「仔都生埋！」
有「辣媽CEO」之稱的資深獵頭人張慧敏表示，每逢農曆新年面對一班姨媽姑姐對婚姻大事的「關心」，作為後輩的要做戲做全套，答案得體要顧及父母感受，如「你儲定錢，到時結婚通知你」，這些似有還無的答案便足夠。
生育題：「幾時生仔呀？」
剛於去年底與拍拖多年的女友結婚的公民黨黨魁楊岳橋表示，現在經常被人追問此問題，認為親戚朋友都是友善關心，表示：「睇吓上天點安排，生咗的話會話你知」等簡單答案，最後再配以「哈哈」幾聲笑聲，輕鬆帶過便可。
上車置業題：「幾時買樓呀？」
香港樓價冠絕全球已非新聞，張慧敏表示，作為親戚不會不知道你的家庭背景，若對方經濟環境較你好，仍要詢問此問題，明顯要與你比較，突顯自己較為優越，直言對付這些人「認真你就輸了」，應以嘻笑怒罵回覆：「快嘅喇，買咗話你知！」
若然了解長輩們只出於關心，簡單回覆：「我都好OK」、「你唔駛擔心我」、「我都好順利」便可。
鄺俊宇則建議大玩「食字」，例如：「已經有好多鈕，有衫鈕、褲鈕，樓都好買？」甚至可反問親戚們：「你封利市大封啲，我咪買到」、「你封幾錢利市俾我先」、「不如你封封首期俾我」以退為攻，應對三姑六婆。
人生前景題：「你讀嗰科，將來點搵食？」、「人工幾多？」
張慧敏表示，面對親戚長輩這樣的質問，同樣毋須認真回覆，繼續抱著「認為你就輸」的心態應對：「係啊，到時係乞食」、「到時真係三餐不繼，你記住接濟返我。」
鄺俊宇則以退為攻，建議反問一眾60年代、70年代的長輩：「你喺我咁大的時候，搵到過萬未？」、「我宜家的人工，一定高過你畢業的時候」，為求令親戚啞口無言。
身為執業大律師的楊岳橋，相信當年甚少被人這樣質問，惟他表示，即使讀哲學也好，也可以表示：「喺呢個商業社會中，喺需要一些有深度的人，然後再拋幾個哲學理論，去嚇窒姨媽姑姐，令他們無法答上話題。」
