【翻生武林】夠貼地有政治隱喻？ 蕭正楠：大家都係放鬆啲去睇喇
撰文：溫菁莉
出版：更新：
相隔兩年才播出的TVB新劇《翻生武林》，雖然被大家就覺得膠味甚濃，但有眼利的觀眾發現，劇中有不少對白都有些隱喻，更指是（政治隱喻劇）。男主角之一的蕭正楠就不認同有這個看法，「大家都係放鬆啲去睇喇，都見我地嘻嘻哈哈，當然觀眾點樣get我唔知喇，但當刻我地劇情都係講武林。之後我地都會有其他故事出現，唔係話有咩政治嘢係入面。」
睇完第一集《翻生武林》嘅觀眾就話覺得套劇有政治隱喻。
+1
相關文章：
【翻生武林】蕭正楠出浴俾黃翠如笑太肥：playback我都唔敢睇！
有網友話覺得《翻生武林》係2018版的《蓋世豪俠》。
至於有網友就話《翻生武林》根本就是2018版的《蓋世豪俠》，仲將星爺周星馳同蕭正楠比較，他聽到當然是受寵若驚，「呢個太過抬舉，其實無得比，好多天時地利人和，又有達哥，鎮宇。而家年代唔同咗，啲觀眾都唔容易會笑，佢地睇星爺嘅戲同埋外國嘅喜劇，笑點係高咗好多。你要令觀眾笑，係要花好多精神。」蕭正楠指當然與當年的劇集不能相比，但誠意就十足，希望觀眾睇完套劇係開心嘅！