【告別平價飛】淘大影藝落幕　開荒牛：想一家大細都負擔到票價

位於淘大商場三期的影藝戲院，於上址經營十年，今日租約期滿。不少市民大嘆可惜，尤其影藝戲院票價低廉，約50、60餘元睇一套戲的價格，可謂平絕全區。最後一場放映於晚上11時許散場，大批影迷依依不捨，即使戲院已落閘，仍陸續有人到門外拍照留念。

曾經於灣仔新鴻基中心經營18年，2006年結業後，2009年於淘大商場重開，不過今日再次落幕，據指是未獲續約。戲院現址將由一間連鎖院線接手，令街坊慨嘆平價睇戲的日子不再。

老員工：公司有人情味

戲院的老員工區主管，1979年19歲便因熱愛睇戲而入行，於銀都機構旗下的普慶戲院當帶位員，其後又在銀都的新藝戲院、銀都戲院工作，至09年淘大的影藝戲院開業，他就調到這裡做「開荒牛」。於一間公司做了39年，區經理未因影藝結業而退休，他表示公司已安排影藝戲院的8名員工，轉至製片廠工作，未有因結業裁員。他大讚公司有人情味，沙士時期、金融海嘯時亦沒有裁員減薪。戲院工作，養活區先生一家人、兩個仔女：「其實公司福利好好，唔係一早走咗啦。」

定位平民化　培養電影迷

他表示，戲院定位為「平民化戲院」，希望培養一班影迷：「睇戲的人要培養的，如果票價太貴學生睇唔起，所以我們學生飛平啲，慢慢佢地有興趣睇戲。」他又希望一家大細來睇戲都可以負擔，因此淘大影藝開業十年，得到街坊的認同，最令他高興。對於戲院不能續租，將由另一連鎖院線接手，區先生說並無不捨：「市場經營環境必然，可能人哋做得仲好過我哋。」

街坊平價睇戲日子不再

姓蔡及姓彭的一對學生情侶，表示於區內居住多年，兩人拍拖一年，影藝是他們的拍拖勝地：「鍾意喺度睇戲，成日睇，因為平。」他們可享學生優惠，票價可比其他地方平近一半，因此平均一個月睇一兩次，不過若果變成連鎖院線，「就未必嚟睇了」。他們坦言，「影藝座位係爭啲，唔係特別舒服」，不過慳錢為上，亦不介意。

三位初中學生，亦是影藝常客，每月都來睇戲數次，主因都是一個字－－「平」，學生價僅45元。另一位學生劉同學就指，「結業都無辦法，呢度都係中學時期一個回憶。」戲院今晚9時40分的尾場為《十級風劫》，據指將安排戲院員工及擁躉一同分享及謝幕，劃上一個完美結局。