【三個女人一個因．片】黃智雯跳主題曲舞好投入：排舞跳到喊
撰文：張嘉敏
出版：更新：
黃智雯 (Mandy) 昨日出席她擔任女一主演的無綫劇集《三個女人一個「因」》宣傳活動，又與同劇演員陳俊堅即場表演跳舞，以該劇由楊千嬅主唱的主題曲《無雙》為背景音樂，合跳一隻現代爵士舞，兩人都跳得很投入。Mandy一向喜歡跳舞，今次的表演當然難不到她：「我叫咗我位日籍排舞老師幫我哋排呢隻舞，排咗一個鐘左右，連排連拍大約用咗兩個零鐘，之後無再練過就上台表演喇。」
Mandy之前有喺IG上載佢同阿堅排舞時嘅相同短片。
於劇中飾演方以因的Mandy，跳呢隻為主題歌度身訂造的舞時特別有感覺，她說：「千嬅唱得好好，同埋啲歌詞都好寫到個角色出嚟，所以我聽完嚟跳份外投入。就咁跳舞唔難，今次個難度係要將個角色嘅情感同動作連繫埋一齊，我自己排舞時跳到最尾嗰take都跳到喊，完全係投入咗個角色，諗返起好多方以因嘅慘況，有病又唔講得嘅矛盾心情，我真係跳得好有感受。」
兩人首次合作跳舞已經好有默契。(黃國立攝)
Mandy演戲就演得多，這次用舞蹈來表達角色情感令她覺得好新鮮，她更大讚拍檔陳俊堅：「阿堅喺劇中同我一樣都係情緒病患者，佢真人本身係一個dancer，所以佢跳舞好叻，其實我哋公司有好多臥虎藏龍嘅人，各懷絕技但平日就深藏不露。」她又指自己今次上台表演內心亦有些緊張，不過卻並沒有影響她的演出：「好奧妙，當音樂一響起我就好自然地進入狀態。」
Mandy跳得好投入。
佢話公司有好多臥虎藏龍嘅人。(黃國立攝)
+5