【復仇者聯盟3】袁偉豪事件有後續 阿檸鬧薯片先生：大聲問候人
撰文：黃梓恒
出版：更新：
袁豪偉昨日成為全城焦點，點解？話說近日《復仇者聯盟3：無限之戰》上映，個個都爭前擁後去睇，自不然會有點爭吵。而袁偉豪 (Benjamin) 前晚應邀去睇《復仇者聯盟3：無限之戰》特別場時，就因為有人（以下簡稱薯片先生）食薯片食得好大聲，所以上前叫對方細聲一點，怎知道就被薯片先生放上網怒罵，又話佢扮大牌、唔友善等等，搞到袁偉豪都忍唔住要發文還擊。
欲知前事係點，Click下面條Link喇！
相信袁偉豪相當無奈。（網上圖片）
正當大家以為件事會就咁完結，原來仲有下文！而最巧合的是，有人剛剛坐正這位薯片先生正前方的坐位，他就是商台DJ阿檸。他大約的內容就知，睇戲時唔小心興奮得濟坐高咗少少，就被薯片先生叫佢唔好企喺身睇戲，之後完場等彩蛋的時候，薯片先生又猛咁嘈，嗰吓阿檸都以為薯片先生講緊自己，點知原來係講緊Benjamin。其實好簡單，阿檸嘅出現就係證明Benjamin講嘅嘢應該都真係無錯，有問題嘅人好大機會係薯片先生。
大家睇吓阿檸講咩喇。（網上圖片）
而Benjamin亦有在阿檸的Facebook上留言，他說：「我也目到！」阿檸仲搞笑咁覆佢：「如果俾你攞到時間寶石，返番尋晚，你會點應付」而這件事的熱門程度，直情連今朝《在晴朗的一天出發》也有被林海峰拿出來討論，搞到而家個個都想知道究竟誰是「薯片先生」？
呢個就係商台DJ阿檸。（網上圖片）
+4
唔只阿檸，商台另一DJ林海峰都加入埋戰團：
仲有薯片先生獨家回應：
【復仇者聯盟3】袁偉豪事件 薯片先生獨家覆：掟你上網唔係我講
【復仇者聯盟3】Thanos同養女關係成重點 入場前睇神秘父女情