【復仇者聯盟3】袁偉豪終極回應:建議可自己PM自己然後比like

撰文:黃梓恒
出版:更新:

早前《復仇者聯盟3》上映,個個都爭住睇,爭爭吓就有爭吵。講緊嘅當然是袁偉豪VS「薯片先生」這件事,之後還加入商台DJ阿檸的另一視角和林海峰的評論,花生程度十分之高,而「薯片先生」亦親自回覆《香港01》道歉,人人都討論究竟戲院應該有甚麼禮儀。

 

想詳細清楚事件,睇下面嘅Link喇!

袁偉豪睇戲被指自以為天王巨星兼態度差 深夜於fb發長文平反

【復仇者聯盟3】袁偉豪事件有後續 阿檸鬧薯片先生:大聲問候人

【復仇者聯盟3】袁偉豪薯片先生事件第三集 林海峰亂入戰團

【復仇者聯盟3】袁偉豪事件 薯片先生獨家覆:掟你上網唔係我講

呢單嘢真係好Hit。(網上圖片)

事件已經去到第三日,繼昨日「薯片先生」道歉後,袁偉豪終於也在自己的Instagram上回應他。大家睇睇全文

 

是公開審判或只是想在朋友圈express 一吓、有冇開名、係你班1打10朋友hi 我又好、有冇hard feelings和我接受道歉與否?不再重要!事情已發生而且經已過去!凡事留一線(等於幫你們的截圖加上馬賽克一樣)人生還有很多很多更美好的事情等著我去迎接,所以我會選擇去放下這件事情,希望日後大家都能去珍惜和善用共享空間。

祝大家身體健康、平安 P.S如果真係想係個人平台 純粹自己寫feelings 又唔想比人誤會自己公審人,建議可自己PM自己然後比like/comment 都係一種方法

用埋薯片做圖,好絕!

睇嚟袁偉豪已經唔想再在這件事做文章,希望做今次發言結束此事件,不過臨尾的提意方法好明顯想諷刺一吓「薯片先生」的說法。