28歲林芊妤陀B三個月 入紙申請結婚：預產期會是11月
撰文：蘇國豪
出版：更新：
恭喜恭喜！Coffee林芊妤要結婚喇，28歲的她同圈外男友翟志榮拍咗拖3年多，原本已經有晒共識今年之內會打算結婚，就沒想到卻意外懷孕將婚期推前，今日就給媒體發現已經入紙申請結婚，Coffee接受《香港01》訪問時，亦大方承認確有此事，開開心心準備做翟太太。
Coffee有咗三個幾月，已經入紙申請結婚。（網上圖片）
正正同男朋友拍咗三年幾，感情穩定，Coffee同男朋友其實已經在去年有晒計劃會在今年內結婚，就萬萬沒想到因為意外懷孕就將計劃推前：「其實原本有計劃結婚，只不過加快這件事而已。結婚其實唔係為一張紙，都是為了給小朋友一個完整家庭。」她又笑言之前公開講過，會結婚都是因為有小朋友先會結，今次真係開口中。
Coffee今次懷的是男仔。（網上圖片）
曾經因為自己身體有病，有懷疑過自己唔會生到BB，今次小生命來臨她都難以置信，驚訝得來又開心：「自己都好難相信，完全沒想過，我同男朋友一起檢查，我用驗孕棒Check以為壞咗，之後再Check去埋醫院照超聲波，發現有心跳先至相信，現在三個幾月是男仔來的，預產期會是11月。」今次將婚期推前，Coffee同男友亦已經有共識唔會大搞：「咩都唔想搞，原本打算旅行結婚都取消，只是請家人吃飯就得喇。」
雖然懷孕，不過Coffee仍然會工作。（網上圖片）
雖然懷孕三個幾月，不過Coffee唔會停工養胎：「醫生話減量工作就可以，我現在都減一半，不過先前接下來的工作都會繼續，上堂﹑代言停不到，其實大肚婆可以做好多嘢。我現在就會早啲休息，10 ﹑11點睡覺。」她仲笑言今次男朋友仲開心過自己。
+3