【後生仔傾吓偈】馮盈盈黃色底子改不了 麥明詩都忍唔住抽佢水
撰文：黃梓恒
出版：更新：
《後生仔傾吓偈》前幾日慶祝完100集的里程碑，這個節目由當初只在星期二、四播，到現在一至五都可以收看，雖然放在J2台，但依然大受歡迎。節目的賣點當然不用多說，一定是馮盈盈這位貼地爆肚王，加上一個智慧高的抽水王麥明詩，還有一個要幫佢兩個兜嘅陸浩，呢個組合真係互補不足。
反而一班KOL就唔係好搶鏡。（電視畫面）
波波算係比較出位。（網上圖片）
前幾日，馮盈盈又在節目中講黃味說話，她說：「第一次同初戀男朋友，嗰陣仲未係男朋友嘅，然後出去睇戲，嗰年19歲，好緊張。嗰晚我哋係一齊咗，然後就拖手喇，之後我成晚都好緊張，表面好似好平靜，但其實緊張到隻手啲汗已經滴緊落地下。點知要拖手喎，真係想死，嗰陣已經係抹乾晒都繼續濕嘅程度，搞唔掂。」呢個時候麥明詩都走出來抽水：「總之我聽到佢係咁濕囉。」盈盈當然唔會尷尬喇，繼續講：「濕晒，個地下都濕埋，點知佢拖完就話好濕，我話係呀，我掂到男仔手就會緊張。但係嗰刻佢好浪漫，話唔緊要無問題我鍾意。」
佢絕對唔會尷尬。（網上圖片）
+3