【2018世界盃】陳凱琳與男友鄭嘉穎打對台 佢地支持嘅係？
撰文：賴家杰
出版：更新：
陳凱琳（Grace）出席父親節活動，Grace已經講明正日要工作出Trip，不過已經提前慶祝，活動後就去食飯。Garce仲準備蛋糕送畀爸爸，問到嘉穎會唔會出席呢個飯局呢？Garce話：「佢最近真係工作好忙，所以都唔知道嚟唔嚟到，咁我都同佢講唔緊要，冇壓力嘅，（你咁講仲有壓力）冇呀，因為我知道開工都好唔定時，所以我怕佢心好似會好趕食飯，變咗做野做得唔好。」
陳凱琳（Grace）出席父親節活動。（陳順禎攝）
活動中Grace笑言自己都有同男友鄭嘉穎一齊睇足球比賽，仲透露自己今屆「世界盃」會支持德國隊。但問到男友鄭嘉穎今年會支持邊一隊呢？Grace就笑言：「佢鍾意巴西，（打對台呀你地）係啦，最好睇嘅就係我地分別支持唔同嘅國家，睇下最後邊個贏。」
Grace透露會同嘉穎一起睇波。（陳順禎攝）